Cana na haz u Jeŭropie apuściłasia da minimumu ź lutaha. Voś u čym pryčyna
U śniežni biržavyja ceny na haz u Jeŭropie źnižajucca na fonie niezvyčajna ciopłaha nadvorja ŭ rehijonie i vysokaha ŭzroŭniu zapoŭnienaści schoviščaŭ, piša Bloomberg.
Nižej za adznaku $850 za 1 tys. kub. m cana hazu apuściłasia ŭpieršyniu z 21 lutaha.
Haz imkliva tańnieje na fonie anamalna ciopłaha nadvorja ŭ Jeŭropie.
Pavodle prahnozu, u Bierlinie ŭ pačatku 2023 hoda budzie kala 15 hradusaŭ pa Celsii, pry tym što siaredniaja tempieratura tut u hety čas hoda zvyčajna blizkaja da nula. U Paryžy i Ciurychu tempieratura ŭ pieršy ci druhi dzień nastupnaha hoda moža dasiahnuć 18 hradusaŭ pa Celsii. Pry hetym siaredzina aciaplalnaha siezona ŭ Jeŭropie prypadaje na 15 studzienia, i kali ŭ dalejšym nie budzie ekstremalna chałodnaha nadvorja, to rehijonu ŭdasca paźbiehnuć kryzisnaha scenara.
Va ŭmovach padzieńnia popytu na elektraenierhiju zapasy hazu nie raschodujucca tak chutka, jak raniej čakałasia.
Za apošnija siem dzion Hiermanii navat udałosia zapampavać u schoviščy bolš hazu, čym zabrać adtul. U vyniku hazavyja schoviščy krainy zapoŭnienyja na 88,8%, što amal na 15 pracentnych punktaŭ pieravyšaje siaredni pakazčyk za dziesiać hadoŭ.
Kamientary