Niamieckaja Wintershall Dea, najbujniejšaja naftahazavaja kampanija ŭ Jeŭropie, abviaściła ab svaim rašeńni pakinuć Rasiju. Kampanija vyjdzie z rasijskich aktyvaŭ u adpaviednaści ź dziejnymi abaviazacielstvami.
«U apošnija miesiacy abmiežavańni, uviedzienyja ŭradam Rasii na dziejnaść zachodnich kampanij u krainie, i źniešniaje ŭmiašańnie ŭ dziejnaść našych sumiesnych pradpryjemstvaŭ zrabili niemahčymym dziejnaść Wintershall Dea ŭ Rasii, jak raniej, i pryviali da ekanamičnaj eksprapryjacyi sumiesnych pradpryjemstvaŭ u Rasii», — adznačajecca ŭ zajavie kampanii.
Wintershall Dea razam z «Hazpramam» raspracoŭvaje Paŭdniova-Ruskaje naftahazavaje radovišča praz dva SP — z «Paŭnočnaftahazpramam» i «Hazpram PRHM trejdzinham». Akramia hetaha, kampanija była adnym ź inviestaraŭ prajekta «Paŭnočny patok — 2» razam z brytanskaj Shell, aŭstryjskaj OMV, francuzskaj Engie, niamieckaj Uniper, jakija prafinansavali pałovu jaho koštu (prajekt aceńvaŭsia ŭ 11 młrd dalaraŭ). Wintershall Dea ŭkłała ŭ jaho 730 młn jeŭra.
U lipieni ŭ kampanii zajaŭlali ab namiery praciahnuć kiravać svaimi aktyvami ŭ Rasii. «Sychod z Rasii byŭ by vialikim padarunkam dla ŭrada Maskvy», — adznačaŭ tady hienieralny dyrektar Wintershall Dea Marya Mieren.
Čytajcie taksama:
Deficyt 56 miljardaŭ dołaraŭ: suchija ličby dazvalajuć sprahnazavać pierśpiektyvy rasijskaj ekanomiki na 2023 hod
Kuviejt u piać razoŭ pavialičvaje ekspart dyzielnaha paliva ŭ Jeŭropu
Niamiecki terminał dla pryjomu zvadkavanaha pryrodnaha hazu ŭžo pracuje, jaho pabudavali ŭ rekordnyja terminy
-
U Bierlinie dziasiatki tysiač žycharoŭ zastalisia bieź śviatła praz dyviersiju
-
Zialenski, Makron i Starmier padpisali dekłaracyju ab razhortvańni va Ukrainie zamiežnaha kantynhientu
-
Va Ukrainu nie puścili italjanca ŭ vyšyvancy, jaki darohaj nachvalvaŭ Pucina. Praz Threads za im sačyli dziasiatki tysiač čałaviek
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary