Siarhiej Budkin: Ci možna vyžyć šlacham strełu sabie ŭ hałavu?
«Rasija nie adpuskaje biełarusaŭ. Navat padčas vajny. I navat sumlennych biełarusaŭ. Tam — kantakty, siabry, miedyja, aŭdytoryja. Tam — rynak», — narakaje kiraŭnik Biełaruskaj Rady kultury Siarhiej Budkin na svajoj staroncy ŭ fejsbuku.
«Składana było pryniać, ale možna było znajści tłumačeńnie kancertam «Sašy i Sirožy» ŭ Maskvie i Piciery viasnoju i letam 2022-ha ci vystavie «Bietonny batut» biełaruskich niezaležnych mastakoŭ u Piciery. Bo — placoŭki niezaležnyja, usie vakoł (niby) suprać vajny, a mastactva nie maje miežaŭ…
Hastrol biełarusa ŁSP pa Rasii patłumačyć užo było niemahčyma. Hrali muzyki pa haradach Rasii, niby čahości skraŭšy. I prosta padčas turu, nie admianiajučy kancertaŭ, prybrali z sajta zhadki pra ich, kab zamieści ślady.
Vyhladaje na toje, što 2023 hod budzie bahaty na niepryjemnyja ździŭleńni i rasčaravańni.
Skažycie, što heta prosta śnicca mnie.
…I što Valery Dajnieka z «Biełaruskimi pieśniarami» nie vystupaje na navahodnim ahieńčyku na RTR razam z tymi, chto raspalvaje i padtrymlivaje vajnu va Ukrainie.
…Što Anatol Kot na scenie maskoŭskaha teatra nie zamianiŭ ruskaha artysta, jaki vykazaŭsia suprać vajny.
…I što ŭ 2023 hodzie na rasijskich telekanałach nie vyjdzie adrazu dzieviać sieryjałaŭ z udziełam Paŭła Charłančuka…
Kožny choča vyžyć u hetych niaprostych umovach. Ale ŭ mianie pytańnie, ci možna vyžyć šlacham strełu sabie ŭ hałavu?» — napisaŭ Siarhiej Budkin.
Čytajcie taksama:
Zvolnienaha za antyvajennyja vykazvańni Dźmitryja Nazarava ŭ maskoŭskim teatry zamienić biełarus
«Biełaruskija pieśniary» śpiavali na «Błakitnym ahieńčyku» ź vinšavańniami Kisialova dy Sałaŭjova i žartami Pietrasiana pra Ukrainu
Hurt ŁSP jeździć z kancertami pa Rasii
Siarhiej Budkin: Ciapier u kultury čas cichich spraŭ, i jaho treba pravieści z karyściu
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
Kamientary
A tut voś jak apyniłasia: ź biełaruskich rok muzykantaŭ nichto asabliva i nie hańbiŭsia naadvarot, zaraz usie u mihracyja, a usiakija łsp dy ahurbašy šukajuć kampramisaŭ