«Biełaruskija pieśniary» śpiavali na «Błakitnym ahieńčyku» ź vinšavańniami Kisialova dy Sałaŭjova i žartami Pietrasiana pra Ukrainu
«Niapravilnych» artystaŭ zamianili vajskoŭcami, a repiertuar skłali pieravažna savieckija chity.
Paśla pačatku vajny z rasijskaha telebačańnia źnikli zabaŭlalnyja pieradačy. Ale ŭ listapadzie prapahanda paabiacała hledačam stvaryć na śviaty «navahodni nastroj, niahledziačy na ŭsie źmieny ŭ Rasii i śviecie».
U navahodniuju noč na kanale «Rasija 1» pakazali «Błakitny ahieńčyk» z tradycyjnym čarhavańniem vystupaŭ i śviatočnych vinšavańniaŭ haściej. Ale bieź źmien nie abyšłosia: artystaŭ, jakija vystupili suprać vajny, zamianili ŭ zale na vajskoŭcaŭ. Jany vinšavali hledačoŭ u kampanii z vajenkarami i prapahandystami kštałtu Uładzimira Sałaŭjova i Dźmitryja Kisialova.
Śpievakoŭ i akcioraŭ, jakija padtrymlivajuć rasijskuju ahresiju, akazałasia niašmat, tamu niekatorym daviałosia śpiavać pa dźvie pieśni.
Nie abyšłosia biez «humaru». 77-hadovy Jaŭhien Pietrasian raskazaŭ baradatyja aniekdoty pra ŭkraincaŭ i pra staŭleńnie da rasijan za miažoj.
Skončyŭ ža svoj vystup humaryst vieršam: «Jeśli ty pojeł, pomyłsia, doma u tiebia tiepło, značit, russkim ty rodiłsia — so stranoju poviezło».
“West wanted to destroy russia, forgetting that it is a load-bearing wall. Haha.”
— olexander scherba (@olex_scherba) January 2, 2023
“artists” celebrating New Year - and the war.
Among them - conductor Yuri Bashmet, with homes in EU. And actor Dmitri Kharatyan, often visiting his daughter in Sweden.pic.twitter.com/hdoaZX438S
Ale heta byŭ nie samy kryndž. Kab stvaryć savieckuju atmaśfieru, «jak było raniej», na «ahieńčyk» zaprasili «zamiežnych» artystaŭ. Taisija Pavalij, jakaja daŭno žyvie ŭ Rasii i vystupała paśla pačatku vajny na Krasnaj płoščy, praśpiavała «Červonu rutu».
Hości demanstravali štučnuju viesiałość i sprabavali padpiavać pieśni, napisanaj kampazitaram Uładzimiram Ivasiukom, jakoha ŭ 1979 hodzie zabiŭ KDB.
Paśla ŭ navahodniuju noč dla rasijan vystupili «Biełaruskija pieśniary» ź pieśniaj «Biełaviežskaja pušča». Hurt, pra jaki apošnija hady mała što čuvać, dazvoliŭ siabie vykarystać u prapahandysckim kancercie.
Hurt «Biełaruskija pieśniary» stvorany ŭ 1998 hodzie. Razam ź dziaržaŭnym ansamblem «Pieśniary» źjaŭlajecca aficyjnym pierajemnikam mulavinskaha VIA. Salisty — Valer Dajnieka i Ihar Pienia.
Hetym biełaruskaje pradstaŭnictva nie abmiežavałasia. Natalla Padolskaja, jakaja viasnoj vystupała na kancercie ŭ padtrymku vajny i anieksii Kryma, śpiavała razam sa svaim mužam Uładzimiram Praśniakovym.
Padčas tranślacyi «Błakitnaha ahieńčyka», jaki musiŭ stvaryć «śviatočnuju atmaśfieru», Rasija čarhovy raz atakavała iranskimi dronami ŭkrainskija harady.
Ciapier čytajuć
Łukašenka patłumačyŭ, čamu jaho nie vidać pa sieradach i subotach18
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary