Śviet33

Niamiecki deputat ad pravaj papulisckaj partyi ździejśniŭ tajny vizit u Biełaruś

Niamiecki deputat ad partyi «Alternatyva dla Hiermanii» Piotr Bystran u kancy 2022 hoda, jak miarkujecca, ździejśniŭ pajezdku ŭ Biełaruś, utaiŭšy hety fakt ad staršyni Bundestaha i hramadskaści. Aficyjnych paviedamleńniaŭ ź biełaruskaha boku pra pajezdku taksama nie było, piša Reform.by.

Fota: fejsbuk deputata

Bystran viadomy svaimi zajavami suprać pastavak zbroi Ukrainie i krytykaj palityki Šolca, a taksama Kijeva, u pryvatnaści, u suviazi z pazbaŭleńniem Viktara Miedźviedčuka ŭkrainskaha hramadzianstva.

Pavodle infarmacyi niekamiercyjnaha daśledčaha centra Correctiv i litoŭskaha telekanała LRT, dla pajezdki ŭ Biełaruś jon nibyta vykarystaŭ kamandziroŭku ŭ Litvu ŭ listapadzie 2022 hoda i nie zhadaŭ pra jaje ŭ svajoj spravazdačy pra pajezdku kiraŭniku Bundestaha.

Pavodle krynicy ź litoŭskich pamiežnych uład, deputat ad AfD, mahčyma, zajechaŭ u Biełaruś ź Litvy praź Miedniki 16 listapada i viarnuŭsia nazad 19 listapada. Pierasiačeńnie miažy było zafiksavana i na zvarotnym šlachu, a imia kiroŭcy zapisana.

Litoŭskija pamiežnyja ŭłady, jak paviedamlajecca, nie chočuć paćviardžać heta aficyjna.

«My nie dajom nijakaj infarmacyi ab pierasiačeńni miežaŭ», — skazaŭ pradstaŭnik kampanii ŭ intervju vydańniu Correctiv, dadaŭšy, što jany buduć rabić heta tolki ŭ vyklučnych situacyjach u adnosinach da dziaržaŭnych orhanaŭ.

Zhodna z Correctiv, Bystran pakinuŭ piśmovaje pytańnie biez adkazu. U pramoj hutarcy jon nie staŭ ni paćviardžać, ni abviarhać fakt pajezdki.

Bystran — pradstaŭnik AfD u Kamitecie pa zamiežnych spravach Bundestaha. Staršynia kamiteta Michael Rot (SDPH) nazvaŭ zhadki ab biełaruskaj pajezdcy «vielmi biantežačaj padziejaj».

«9 listapada 2022 hoda sp-r Bystran padaŭ zajaŭku na imia staršyni Bundestaha z prośbaj uchvalić adnarazovuju aficyjnuju pajezdku ŭ Vilniu/Litva z 14 da 16 listapada 2022 hoda, — raspavioŭ Rot. — Ni ŭ zajaŭcy na aficyjnuju pajezdku, ni ŭ nastupnaj spravazdačy pra pajezdku spadara Bystrana niama zhadki pra jaho pajezdku ŭ Biełaruś».

«Sustrečy z pradstaŭnikami apazicyi ŭ Biełarusi de-fakta niemahčymyja», — zajaviŭ jon. Staršynia choča razabracca z paviedamleńniami pra sakretnuju pajezdku ŭ Kamitecie pa zamiežnych spravach, bo pajezdki ŭ Biełaruś nie «adpaviadajuć intaresam usiaho niamieckaha Bundestaha».

Deputat ad CHDS Raderych Kizievieter, taksama člen Kamiteta pa zamiežnych spravach, ličyć pajezdku deputata ŭ Biełaruś «sumnieŭnaj z punktu hledžańnia palityki biaśpieki».

Namieśnik staršyni Kamiteta pa zamiežnych spravach, člen Bundestaha ad CHDS Tomas Erndl uchvaliŭ zajaŭku na pajezdku palityka AfD u Litvu ŭ listapadzie.

«Kali b ja viedaŭ u toj čas, što Bystran taksama płanuje pajezdku ŭ Biełaruś, ja b nie ŭchvaliŭ zapyt na pajezdku», — skazaŭ Erndl.

Jon zajaviŭ, što adčuvaje siabie padmanutym, i što dziejańni Bystrana nieŭzabavie buduć abmiarkoŭvacca ŭ parłamienckich hrupach.

Kamientary3

  • Amielija
    08.02.2023
    Vot dla takich tajnych «vizitov» svoich ahientov vlijanija i «śpiaŝich» i sozdał krieml rukami tarakana - bieźviz.
    Eti infiltrovannyje katajutsia kak čieriez prochodnoj dvor k svoim kuratoram v rašku i Biełaruś.
    ES vvieditie nakoniec zapriet na pieriesiečienije hranicy s Biełaruśju svoich hraždan!
    • Łoł
      08.02.2023
      Amielija, Što za tupizm. Jakaja jašče zabarona na pieramiaščeńnie hramadzian ES. Abmiažoŭvać pravy hramadzian ES z-za pajezdki niekalkich pradažnych deputataŭ u Biełaruś ? Vy spačatku padumajcie hałavoju što pišacie. U socien tysiač hramadzian ES tut rodnyja, baćki, majomaść, biznes. Prapanujecie ich adrezać ad hetaha ŭsiaho, kab nie zajechaŭ deputat ad AFD ?
  • Pietro
    08.02.2023
    Andiers Briejvik taksama rabiŭ pajezdki ŭ Biełaruś - krainu handlanger Rasiejskaj Imperyi ŭ brudnych spravach va ŭsim śviecie. 
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»12

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»

Usie naviny →
Usie naviny

Capkała prosić brytanskuju palicyju pravieryć, ci chacieŭ Łatuška spalić Cichanoŭskuju28

«Razabrali budaŭničyja aharodžy za noč»: minčanie 20 hadoŭ zmahajucca za mini-park suprać AZS2

Pieršaje vydańnie «Chobita» pradali za rekordnyja hrošy

75-hadovy dziadula ŭ Miadzielskim rajonie adpraviŭsia na rovary ŭ 30-kiłamietrovy pachod i prapaŭ5

Startap biełarusaŭ, jaki pracuje na Halivud, trapiŭ na ekrany Tajms-skvier1

Mikołu Statkieviču siońnia spoŭniłasia 69 hadoŭ1

Milinkievič: Kali pahladzieć na vopyt inšych krain, najbolšy pośpiech byŭ tam, dzie ŭdałosia sprahnazavać i realizavać dyjałoh27

Kryšcijanu Ranałdu zrabiŭ prapanovu Džardžynie Radryhies3

Tramp nakiravaŭ Nacyjanalnuju hvardyju ŭ Vašynhton i zapatrabavaŭ ad biazdomnych pakinuć horad3

bolš čytanych navin
bolš łajkanych navin

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»12

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»

Hałoŭnaje
Usie naviny →

Zaŭvaha:

 

 

 

 

Zakryć Paviedamić