Jarkaje, malaŭničaje, biaskrajniaje pole słaniečnikaŭ možna ŭbačyć u Vilejskim rajonie kala ahraharadka Illa. Nie zaŭvažyć jaho niemahčyma — «kvietkavaje soniejka» znachodzicca kala darohi i pryciahvaje svajoj afarboŭkaj, piša Kraj.by.
Pole alejnaj kultury płoščaj 170 ha naležyć haspadarcy rajona AAT «Ahrafirma «Illa». Vyroščvańnie słaniečnikaŭ źjaŭlajecca ekśpierymientalnym dla rehijona.
Dla fotasiesii ŭ poli padyduć śvietłyja, lohkija ŭbory, a taksama aksesuary, jakija aryhinalna dapaŭniajuć vobraz. Važna pamiatać pra čas sutak i aśviatleńnie, kab atrymać pryhožyja fatahrafii. Asabliva ŭdałyja kadry atrymlivajucca na śvitaje ci na zachadzie sonca.
Razam z tym fatahrafavacca ŭ palach słaniečnikaŭ treba aściarožna, nie paškodžvajučy raśliny. Uładalniki paloŭ mohuć padać zajavu ŭ milicyju, kali paličać, što ich majomaść paciarpieła z-za fotasiesij. I sapraŭdy, za paškodžańnie pasievaŭ možna atrymać štraf.
Pry hetym zabarony fatahrafavacca na fonie słaniečnikaŭ niama, ale adpaviedny rakurs možna vybrać i nie sychodziačy z abočyny, kab nie psavać budučy ŭradžaj prosta dziela pryhožaha fota.
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju26
Kamientary