«Rasstralali, jak u ciry». Hirkin apisaŭ, jak była sarvanaja sproba rasijskaha nastupu pad Vuhladaram
Ihar Hirkin (Strałkoŭ), jaki raniej zajavy ab praryvie pad Vuhladaram nazvaŭ «brachnioju», raspavioŭ padrabiaznaści, što tam adbyłosia.
Hirkin piša, što pad Vuhladaram rasijskim kamandavańniem byli «ŭzorna paŭtorany ŭsie pamyłki, jakija ździajśnialisia raniej»: «nie prykrytaje z pavietra i siłami REB vyłučeńnie tankavych i mataryzavanych kałon pa vuzkich darohach uzdoŭž redkich lesapasadak pa idealna roŭnaj miascovaści (tak jak pa bakach — minnyja pali) skončyłasia razhromam».
Častka techniki, pavodle Hirkina, była źniščana ŭdarami supraćtankavych rakiet (jakija zapuskajucca z vyšynnych damoŭ Vuhladara), častka — artyleryjaj, jakaja «stralaje vielmi dakładna».
Stračana, piša Hirkin, bolš za 30 adzinak braniatechniki, straty «dvuchsotymi» tolki ŭ tankistaŭ — «mnohija dziasiatki», «marpiechaŭ, śpiecnazaŭcaŭ i motastrałkoŭ zahinuła jašče bolš».
I, samaje hałoŭnaje, davodzić były ministr abarony tak zvanaj «DNR», usie hetyja straty akazalisia «adnabakovymi»: ukraincy «rasstralali atakujučych, «jak u ciry». Ukraincy, pavodle Hirkina, «znoŭ biez admysłovaj pracy ŭtrymali svaje pazicyi va ŭmacavanym rajonie, jaki da taho ŭžo sprabavali viasnoj i letam minułaha hoda (taksama «ŭ łob») uziać nieadnarazova».
Hirkin taksama raspaviadaje, jak «zvykła» «pasłali na śmierć u danieckaj «promcy» pry nastupie na Aŭdziejeŭku dźvie roty šturmavoj piachoty — bataljony byłoj narodnaj milicyi «DNR», «nie padtrymaŭšy ich ni narmalnym artyleryjskim ahniom (jaki byŭ vyklučna patrebny), ni braniatechnikaj (jakuju «bierahli ad min», a raźminiravać miascovaść nie atrymałasia pa techničnych pryčynach)».
«Uvohule, hetym i skončyŭsia šyroka anansavany pa sietcy «ŭra-vajenkarami» nastup rasijskaj armii na ŭsim Danieckim froncie», piša Hirkin.
Ciapier čytajuć
«Ź ludziej uziali raśpiski, kab usie maŭčali». Nieviadomy bieśpiłotnik upaŭ u noč na paniadziełak u Rečycy1
Kamientary