Stali viadomyja minimalnyja sumy «kampiensacyi» za danaty ź nieajcišnikaŭ
Minimalnaja suma, jakaja ahučvałasia ajcišnikam, što danacili ŭ fondy, — 1000 dalaraŭ. Ź ludźmi ź inšych siektaraŭ situacyja inšaja.
Jak vynikaje z historyj ludziej, jakich vyklikali, im prapanujuć u jakaści kampiensacyi pieravieści 500 dalaraŭ na «dabračynnaść» (vydajecca śpis peŭnych arhanizacyj, kudy pieraličyć hrošy). Suma 500 dalaraŭ hučała, jak minimum, u čatyroch historyjach, raskazanych čytačymi «Našaj Nivy» ci apublikavanych u inšych miedyja. Navat kali pieravod u «Bajsoł» byŭ 5 dalaraŭ, vystaŭlajuć taki «rachunak».
Raniej my paviedamlali, što minimalnaja suma, jakaja ahučvałasia ajcišnikam, što danacili ŭ fondy, — 1000 dalaraŭ. Kali achviaravańnie ŭ «Bajsoł» było na značnuju sumu, to «adkupicca» prapanujuć pa dziesiacikratnym multyplikatary.
Z ulikam taho, što ŭsiaho na BySol i BY_help achviaravała bolš za 60 tysiač čałaviek, łukašenkaŭcy chočuć sabrać dziasiatki miljonaŭ dalaraŭ daniny. Naŭrad ci heta možna ličyć harantyjaj taho, što ŭ budučyni na tych ža ludziej nie zaviaduć jašče i kryminalnuju spravu — jany ž pryznajuć, što achviaravali hrošy ŭ fondy.
Adkaznaść za danaty ŭ fondy salidarnaści niezakonnaja navat pa dziejnym łukašenkaŭskim zakanadaŭstvie, tamu što na momant, kali ludzi danacili, nie tolki BySol i BY_help nie byli abvieščanyja ekstremisckimi, ale i samoha zakanadaŭstva pra «supraćdziejańni ekstremizmu» nie isnavała. Miž tym zakon zvarotnaha dziejańnia nie maje.
Stała viadoma, jak KDB vyličvaje tych, chto danaciŭ u «Bajsoł»
Navat za 40 dalaraŭ. Pačynali z ajcišnikaŭ, a ciapier za danaty pačali ciahać usich zapar
Ciapier čytajuć
Biełaruś zaniała druhoje miesca pa złačynnaści siarod jeŭrapiejskich krain. Jak ža składali taki rejtynh?5
Biełaruś zaniała druhoje miesca pa złačynnaści siarod jeŭrapiejskich krain. Jak ža składali taki rejtynh?
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki99
Kamientary