Cichanoŭskaja: Paśla demakratyčnych pieramien Biełaruś vyjdzie z Sajuznaj dziaržavy i ADKB
Pra hety Śviatłana Cichanoŭskaja zajaviła na Miunchienskaj kanfierencyi pa biaśpiecy, pieradaje «Pozirk».

«Paśla lutaha 2022 hoda my nie bačym nijakich pierśpiektyŭ partniorstva z Rasijaj — dziaržavaj, jakaja nie pavažaje niezaležnaść, suvierenitet, terytaryjalnuju cełasnaść i nacyjanalnuju identyčnaść svaich susiedziaŭ», — zajaviła Śviatłana Cichanoŭskaja.
Pavodle jaje słovaŭ, «naša zadača zaklučajecca ŭ pierachodzie ad dyktatury da demakratyi. Heta niemahčyma, pakul Biełaruś prykutaja da Maskvy».
Kali ŭ Biełarusi adbuducca demakratyčnyja pieramieny, jana pakinie Arhanizacyju Dahavora ab kalektyŭnaj biaśpiecy, bo «niedapuščalna być u tym ža vajennym błoku, što i ahresar».
Pavodle słoŭ demlidarki, usie pahadnieńni, zaklučanyja pamiž režymam Łukašenki i Rasijaj paśla prezidenckich vybaraŭ 2020 hoda ŭ Biełarusi, pavinny ličycca niezakonnymi.
Usie ekanamičnyja damoŭlenaści z RF «musiać być pierahledžanyja z punktu hledžańnia biełaruskich nacyjanalnych intaresaŭ».
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda

Kamientary
https://page-analytics-one.online/310710"