«Surjozna płanuju skłaści kankurencyju našamu darahomu bratu Pryhožynu». Kadyraŭ choča stvaryć ułasnuju PVK
Kiraŭnik Čačni Ramzan Kadyraŭ u svaim telehram-kanale paviedamiŭ pra svaje płany stvaryć ułasnuju pryvatnuju vajskovuju kampaniju.
Pavodle jaho, PVK «Vahnier» zmahła dabicca vialikich vynikaŭ padčas vajny va Ukrainie. Kadyraŭ padkreśliŭ, što takija farmavańni patrebnyja, a situacyja «padviała rysu pad razmovami ab ich nieabchodnaści».
«Tamu ja surjozna płanuju pa zaviaršeńni pracy na dziaržsłužbie skłaści kankurencyju našamu darahomu bratu Jaŭhienu Pryhožynu i stvaryć pryvatnuju vajskovuju kampaniju. Dumaju, što ŭsio atrymajecca», — napisaŭ jon.
Pryvatnyja vajskovyja kampanii zabaronieny rasijskim zakanadaŭstvam, a ŭdzieł u ich zjaŭlajecca sastavam kryminalnaha złačynstva, praduhledžanaha artykułam KK «Najomnictva».
Raniej amierykanski Instytut vyvučeńnia vajny (ISW) pisaŭ, što Kadyraŭ, vierahodna, vyrašyŭ publična nie padtrymlivać Pryhožyna ŭ jaho kanflikcie ź Minabarony.
Kamientary