Mižnarodny alimpijski kamitet nie płanuje zdymać sankcyi ź Biełarusi
Mižnarodny alimpijski kamitet (MAK) nie płanuje admianiać sankcyi, jakija dziejničajuć u dačynieńni da Rasii i Biełarusi. Pra heta ŭ sieradu paviedamlaje pres-słužba MAK.
«MAK biesprecedentnym čynam užyŭ sankcyi ŭ dačynieńni da Rasii i Biełarusi: adsutnaść mižnarodnych spartyŭnych mierapryjemstvaŭ, adsutnaść ściahoŭ, himnaŭ abo inšych nacyjanalnych simvałaŭ, niadopusk uradavych abo dziaržaŭnych čynoŭnikaŭ na jakija-niebudź mižnarodnyja spartyŭnyja mierapryjemstvy, — havorycca ŭ paviedamleńni MAK. — Sankcyi byli ŭviedzienyja ŭ dziejańnie ŭ lutym 2022 hoda, a zatym byli dadatkova ŭzmocnienyja i paćvierdžanyja Alimpijskim samitam 9 śniežnia 2022 hoda. Jany zastajucca ŭ sile».
U MAK adznačyli, što arhanizacyja zastajecca prychilnaj idei abjadnańnia śvietu praz sport. «Pačynajučy sa staražytnych Alimpijskich hulniaŭ našaj misijaj zaŭsiody było spryjać miru praz sport, MAK pa hety dzień zastajecca prychilnym misii pa abjadnańni ŭsiaho śvietu ŭ mirnym spabornictvie. Namahańni pa mirabudaŭnictvie majuć patrebu ŭ dyjałohu. Spabornictvy sa spartsmienami, što pavažajuć alimpijskuju chartyju, mohuć pasłužyć katalizataram dyjałohu, jaki zaŭsiody źjaŭlajecca pieršym krokam da dasiahnieńnia miru», — havorycca ŭ zajavie.
U kancy lutaha 2022 MAK rekamiendavaŭ mižnarodnym fiederacyjam nie dapuskać biełarusaŭ i rasijan da ŭdziełu ŭ spabornictvach u suviazi z vajnoj va Ukrainie. 25 studzienia 2023 hoda jon vystupiŭ z novaj rekamiendacyjaj, prapanavaŭšy dapuścić da mižnarodnych spabornictvaŭ u niejtralnym statusie spartsmienaŭ, jakija nie biaruć aktyŭnaha ŭdziełu ŭ padtrymcy vajny.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy22
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary