Hulnia Atomic Heart vyjšła ŭ śviet 21 lutaha. Dziejańnie ŭ joj adbyvajecca ŭ alternatyŭnym SSSR, u jakim kraina vyjšła na masavuju vytvorčaść robataŭ — jany absłuhoŭvajuć nasielnictva.
Atomic Heart vybiłasia ŭ topy Steam (płatforma dla hulcoŭ i raspracoŭščykaŭ).
Hulnia raspracavana rasijskaj studyjaj Mundfish. Jana była zasnavana ŭ 2016 hodzie Robiertam Bahratuni, Jaŭhienijaj Siedavoj i Arciomam Halejevym. Sama kampanija znachodzicca na Kipry.
28-hadovaja Palina — jaje sapraŭdnaje imia Palina Pałaniejčyk — śpiavačka, jakaja źviarnuła na siabie ŭvahu ŭ 2015 hodzie pieśniaj «Jak ty». Heta adno z samych zaŭvažnych abliččaŭ biełaruskaj muzyki.
Voś frahmient, na jakim hučyć śpiavačka Palina, i jaje pierapieŭ kałychanki:
Imia śpiavački zhadvajecca ŭ citrach.
Hałoŭnym hierojem hulni źjaŭlajecca major Siarhiej Niačajeŭ — ahient savieckaj raźviedki pad psieŭdanimam P-3, jaki prybyŭ na pradpryjemstva pa vytvorčaści robataŭ pad kodavaj nazvaj «3826».
Pa nieviadomaj pryčynie robaty na abjekcie vyjšli sa stroju i napali na piersanał, a zatym zachapili «3826». Zaraz majoru Niačajevu treba budzie nie tolki vyrašyć situacyju i spynić robataŭ, ale i vyśvietlić pryčynu zdareńnia.
Hulnia ŭklučaje ŭ siabie bitvy ź vidam ad pieršaj asoby, na praciahu hulni piersanaž moža znachodzić i kanstrujavać raznastajnuju zbroju.
Raspracoŭka Atomic Heart była spałučana ź ciažkaściami: supracoŭniki studyi skardzilisia na ŭmovy pracy, data reliza nieadnarazova pieranosiłasia, a niekatoryja i zaklikali bajkatavać hulniu na fonie ŭvarvańnia Rasii va Ukrainu z-za mahčymaj suviazi kiraŭnikoŭ Mundfish z rasijskaj uładaj.
Adnak paśla svajho vychadu prajekt atrymaŭ u cełym stanoŭčyja vodhuki.
Čytajcie taksama:
Hulnia Hogwarts Legacy pra śviet Hary Potera bje rekordy
Kinakampanija Warner Bros.: Infarmacyja pra pačatak pracy nad novym filmam pra Hary Potera — chłuślivaja
«Fabielmany»: aŭtabijahrafičnaja stužka Śpiłbierha, adna z samych kranalnych u jaho karjery
Ciapier čytajuć
Turecki łaŭreat premii Čečki byŭ u zachapleńni ad Biełarusi i režymu ŭ joj. A paśla trapiŭ na Akreścina9
Kamientary
jany trochi inšyja) i ich realny śviet budzie (užo jość) inšy, čym byŭ u vaša dziacinstva