Ci moh być Cichanoŭski prajektam Kramla? Razvažaje błohier Kabanaŭ
Brescki błohier Alaksandr Kabanaŭ byŭ dobra znajomy ź Siarhiejem Cichanoŭskim, jakomu niadaŭna nakinuli novy termin za kratami. Pra svaje adnosiny ź im Kabanaŭ raskazaŭ u intervju «Tok».
Ci moh być Cichanoŭski prajektam Kramla, jak časta kažuć jaho praciŭniki?
«Ja nie vyklučaju hetaha taksama. Moža być usio, ja nie viedaju. U hetych padziejach, jakija adbylisia, treba šukać zacikaŭleny bok. Bo padziei, jakija adbylisia ŭ Biełarusi, jany vielmi byli patrebnyja Rasii, na moj pohlad. Jany ŭžo tady płanavali napad na Ukrainu, 100%, im patrebnaja była placoŭka, adkul heta ŭsio zrabić. Treba było Łukašenku jak možna nižej pastavić na kaleni, pakazać, što my tvaje vyratavalniki.
Znoŭ ža, ja nie viedaju, što tam u Pucina ŭ hałavie, ja siabie staŭlu na jaho miesca. «Ja chaču raźvivać vajnu z Ukrainaj, što zrabić? Biełaruś. Aha — a davaj ja pastaŭlu tudy adnaho-dvuch-troch kandydataŭ (nieviadoma ž, chto z kandydataŭ rasijski) — jakija tam padymuć buču, ja pryjdu z šaškaj, dapamahu. Skažu: Sania, ja dam babło, budzieš siadzieć u kreśle, budzie ŭsio narmalna, ale pry hetym rychtujsia, my z tvajho boku pačniom bambić».
Ale chto hety kandydat i ci byŭ jon naohuł, zrazumieła, što ja nie viedaju. Mohuć być tolki sumnievy i zdahadki».
Kabanaŭ raskazvaje, što choć jany ź Siarhiejem Cichanoŭskim byli pastajanna na suviazi, pravodzili sumiesnyja strymy, ale i svarylisia.
«Byli momanty, kali jaho zajavy hučali, na moj pohlad, niapravilna. Ja jamu heta ŭ tvar kazaŭ. Jon mnie kazaŭ: heta moj kantent, čaho ty tudy lezieš.
U nas nie pohlady razyšlisia. U jaho było mała viedaŭ peŭnych. Ja hladzieŭ niejki jaho strym, dzie jon kaža: chłopcy, mianie pavinny zakryć na 15 sutak, kali niechta hatovy adsiedzieć za mianie, idzicie na hetyja 15 sutak, bo treba, kab ja byŭ na voli. Naprykład, takaja zajava».
Pa słovach Kabanava, Siarhiej Cichanoŭski vyrašyŭ, što ŭklučycca ŭ vybarčuju kampaniju, za paŭhoda da jaje. «Jon kazaŭ, što pačynaje pracavać dla taho, kab źmianić uładu». Ale, zhadvaje błohier, Cichanoŭski paśla zrazumieŭ, što jaho nie zarehistrujuć, tamu sam momant kampanii vykarystoŭvaŭ dla razmoŭ ź ludźmi.
Hladzieć całkam:
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
-
Kamu jašče što moža stać treba «dla nacyjanalnaj biaśpieki» i jak tut być Biełarusi
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary
Moh! Va ŭsialakim razie ŭčora, jak raz, na ŭkrainskich Jutub-kanałach, amierykanski analityk Pijantkoŭski nazvaŭ prajektam Maskvy: Babaryku, Capkału i krymnašysta Cichanoŭskaha.