Biełaruskija brendy prydumali mierčy ŭ adkaz na admovu łukašystaŭ ad biełaruskaj łacinki
3 sakavika 2023 hoda z padačy prarasijskich błohieraŭ i prapahandystaŭ biełaruskija ŭłady faktyčna anulavali aficyjnuju biełaruskuju łacinku ŭ napisańni hieahrafičnych nazvaŭ. Bolš za toje, zaraz nazvy nasielenych punktaŭ možna tranślitaravać na łacinku i z ruskaj movy. U adkaz na heta niekalki biełaruskich brendaŭ vyrašyła źmianić dyzajn svaich vyrabaŭ dziela zachavańnia aryhinalnaj biełaruskaj łacinki, piša CityDog.io.
Brend @bsmrtna. Stvaralnica — viadomaja fotamastačka ź Biełarusi Karalina Palakova. Heta mienavita jana prydumała cišotki i bajki z nadpisam «Bieśśmiertien». Hety nadpis na adnym z budynkaŭ na płoščy Pieramohi viedaje luby minčuk. Ciapier Karalina vyrašyła biełarusizavać hety nadpis.
Jak bačna, zaraz futbołki buduć ź firmovym «vizualnym kodam kamunikacyi dla asob, źviazanych ź Biełaruśsiu (nie Biełoruśsijej)».
«Pračytała naviny pra stan biełaruskaj łacinki, a dakładna na dziaržuzroŭni admovilisia ad jaje ŭ razmovie pamiž horadam i žycharami, — piša Karalina. — Rychtujusia prezientavać futbołki praz dva-try tydni, ale dzień taki, što nie budu chavać. Jość opcyja «nieśmiarotny», «nieśmiarotnaja» i «nieśmiarotna».
Košt cišotak pakul nieviadomy, ale, naprykład, śvitšoty z padobnym pryntam možna nabyć u kramie fotamastački za 35—40 jeŭra.
Brend @znivien2020. «Paśla navin ab tym, što na radzimie nie buduć vykarystoŭvać łacinku, my vyrašyli dać mahčymaść vam vybirać, na jakoj movie budzie prynt — na biełaruskaj kirylicy ci na biełaruskaj łacincy», — pišuć dyzajniery. I prapanujuć varyjanty:
- Moj rodny kut — Moj rodny kut,
- Biełarus Biełarusu Biełarus — Bielarus Bielarusu Bielarus,
- Kachaj, nie vajuj — Kachaj, nie vajuj,
- Čyrvony prastakutnik na biełym fonie — Čyrvony prastakutnik na bielym fonie.
Cana — 80 polskich złotych plus dastaŭka.
Čytajcie taksama:
Kaśmietyčka mastački: šmat kłasnaj biełaruskaj kaśmietyki — i dohladnaj, i dekaratyŭnaj
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu1
Kamientary
asnoŭnaja masa prosta zarablała i praciahvaje zarablać prosta na temie