Usie harady i pasiołki Biełarusi ŭ 2010 hodzie pavinny być zabiaśpiečanyja čystaj vadoj. Pra heta zajaviŭ premjer‑ministr Biełarusi Siarhiej Sidorski na pasiadžeńni prezidyuma Saŭmina 10 listapada ŭ Minsku,
paviedamlaje pres‑słužba ŭrada. Prezidyum abmiarkoŭvaŭ vykanańnie ŭ 2009 hodzie dziaržaŭnaj prahramy pa vodazabieśpiačeńni i vodaadviadzieńni «Čystaja vada» na 2006—2010 hady.
«Prahrama pavinna zabiaśpiečyć čystaj vadoj usich — ad horada Minska da rajonnych centraŭ»,
— padkreśliŭ kiraŭnik urada i dadaŭ, što prahramaj raźvićcia i refarmavańnia vioski taksama praduhledžana zabieśpiačeńnie čystaj vadoj žycharoŭ ahraharadkoŭ. U 2011—2012 hadach nieabchodna praciahvać hetuju rabotu ŭ asobnych nasielenych punktach, vioskach krainy.
Jak adznačyŭ ministr žyllova‑kamunalnaj haspadarki Biełarusi Uładzimir Biełachvostaŭ, «analiz chodu rabot za dzieviać miesiacaŭ i pryniatyja miery ŭ kastryčniku dazvalajuć zrabić vysnovu, što, niahledziačy na peŭnyja ciažkaści, usie płanavyja abjekty buduć uviedzienyja ŭ ekspłuatacyju». Prahrama stavić zadaču źnizić utrymańnie žaleza ŭ vadzie da 1 mh na 1 ł i nie vyšej. Namiečanyja na 2009 hod mierapryjemstvy buduć vykananyja. Prablemy vyklikajuć tolki try abjekty. Heta ačyščalnyja zbudavańni ŭ haradach Hrodzienskaj vobłaści Śvisłač, Lida i na RUP «Viciaź».
Pradstaŭniki Hrodzienskaha abłvykankama na pasiadžeńni prezidyuma zapeŭnili, što abjekty ŭ Śvisłačy i Lidzie buduć uviedzienyja ŭ ekspłuatacyju.
«U cełym vykanańnie prahramy pa asobnych abjektach składaje 43‑48%. Heta naściarožvaje, ale zapeŭnivańni vykanaŭcaŭ, što ŭsio budzie vykanana svoječasova, prymajucca. Čas jašče jość», — skazaŭ Sidorski.
Kiraŭnik urada taksama źviarnuŭ uvahu na prablemy finansavańnia prahramy. Pavodle jaho słoŭ, na heta byli abjektyŭnyja pryčyny, pakolki «ŭ biudžecie na praciahu hoda dachodnaja i raschodnaja častki pavinny być na ŭzroŭni nul», heta značyć raschody nie pavinny pieravyšać dachody. Ale prapłacić raboty pa realizacyi prahramy nieabchodna. «My damaŭlalisia, što raboty pavinny iści napieradzie finansavańnia, jak heta i adbyvałasia. Ciapier treba apłačvać na praciahu astatniaha času zapłanavanyja płaciažy, jakija pavinny być prafinansavanyja ź biudžetu», — skazaŭ Sidorski.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary