Bolš za 2000 biełaruskich kampanij pierajechali ŭ Jeŭrasajuz paśla 2020 hoda
IT pa kolkaści rełakavanych kampanij daloka nie na pieršym miescy. Takuju statystyku ahučyła Asacyjacyja biełaruskaha biznesu za miažoj na II Biełaruskim biznes-forumie ŭ Vilni.
Pa ich acenkach, sa žniŭnia 2020-ha da žniŭnia 2022-ha na terytoryju ES pierajechała 2 tysiačy biełaruskich kampanij. Kali ličyć razam ź IP, to heta kala 4 tysiač.
80% ź ich asieła ŭ Polščy, 10% — u Litvie.
«Paśla žniŭnia 2020-ha chvala emihracyi biełaruskaha biznesu była nie samaj vialikaj. Značna bolšaja chvala była ŭ 2022-m», — zaŭvažaje Siarhiej Naŭrodski, vice-prezident ABBA (Asacyjacyi biełaruskaha biznesu za miažoj), pradstaŭnik asacyjacyi ŭ Litvie, Łatvii i Estonii.
Kali kazać pra kolkaść kampanij, to lidziruje nie IT. Na pieršym miescy budzie aptova-roźničny handal. U mnohich ź ich jość biełaruskija daččynyja kampanii.
Na druhim miescy — śfiera pasłuh. Heta kaśmietyčnyja pasłuhi, aŭtaservisy, roznyja kansultacyi i padobnyja rečy.
Treciaje miesca — heta vytvorčaść.
Ale kali paraŭnoŭvać pa kolkaści stvoranych miescaŭ na kampaniju, to tut najbolš budzie davać IT-siektar, dzielicca Naŭrodski.
«IT-kampanija moža prynieści sotni miescaŭ, a časam i bolš. Apošnija ličby ź Litvy — takija kampanii stvaryli kala 6000 pracoŭnych miescaŭ. Prykładna stolki ž pracoŭnych miescaŭ my viedajem u Polščy», — raskazaŭ Siarhiej Naŭrodski.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich3
Kamientary