Imia Piele ŭklučyli ŭ słoŭnik partuhalskaj movy jak sinomim słova «najlepšy»
Imia adzinaha trochrazovaha čempijona śvietu ŭ futbole brazilca Edsana Arancisa du Nasimientu, viadomaha jak Piele, uklučyli ŭ novuju viersiju słoŭnika partuhalskaj movy Michaelis, pra što napisana staroncy brazilca ŭ sacyjalnaj sietcy, paviedamlaje sportbox.ru.
— Jon baskietbolny Piele. Jana Piele tenisa. Vyraz, jaki ŭžo vykarystoŭvaŭsia dla abaznačeńnia najlepšaha ŭ tym, što ty robiš, uviekaviečany na staronkach słoŭnika! Razam my ŭvajšli ŭ historyju i napisali imia karala futboła na našaj partuhalskaj movie. Piele aznačaje «najlepšy», — havorycca ŭ paviedamleńni.
Šyldu, jakaja kaža pra źjaŭleńnie słova Piele ŭ słoŭniku ŭ sieradu ŭručyli na spartyŭnym forumie ŭ San‑Paŭłu členam siamji brazilca. Značeńnie słova pavodle słoŭnika: «niešta niezvyčajnaje, jakoje vyłučajecca dziakujučy svaim jakaściam abo kaštoŭnaści, nieparaŭnalnaje, jakim byŭ Piele — Edsan Arancis du Nasimientu, jakoha ličać najvialikšym spartsmienam usich časoŭ».
Piele pamior 29 śniežnia va ŭzroście 82 hadoŭ. Apošnim časam były futbalist ciažka chvareŭ, u 2021 hodzie ŭ jaho vyjavili rak toŭstaj kiški.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary