Navukoŭcy NASA zdabyli kisłarod ź imitacyi miesiacovaha hruntu
Kaśmičnaje ahienctva spadziajecca, što budučyja astranaŭty zmohuć vykarystoŭvać hetuju technałohiju dla doŭhaterminovaha žyćcia na Miesiacy ŭ ramkach prahramy Artemis.
NASA zrabiła vialiki krok napierad na šlachu ŭstanaŭleńnia čałaviečaj prysutnaści na Miesiacy, zdabyŭšy kisłarod ź imitacyi miesiacovaha hruntu va ŭmovach, padobnych da navakolnaha asiarodździa Miesiaca. Padčas niadaŭniaha vyprabavańnia ŭ Johnson Space Center u Chjustanie navukoŭcy ŭpieršyniu zmahli vyrabić u vakuumnym asiarodździ kisłarod z hruntu, abviaściła kaśmičnaje ahienctva.
Heta stała mahčymym dziakujučy tamu, što rehalit (inšaja nazva miesiacovaha (i nie tolki) hruntu) źmiaščaje złučeńni, jakija patencyjna mohuć być vykarystanyja dla vytvorčaści kisłarodu z dapamohaj soniečnaha vypramieńvańnia, tłumačyć Gizmodo. Kab pravieryć heta, kamanda navukoŭcaŭ stvaryła drobnaziarnisty hrunt dla madelavańnia rehalitu.
Vykarystoŭvajučy mahutny łazier, jaki imitavaŭ ciapło ad kancentratara soniečnaj enierhii (jaki padobny da pavieličalnaj linzy), kamanda raspłaviła anałah rehalitu. Paśla taho, jak hrunt byŭ nahrety, navukoŭcy vyjavili vokis vuhlarodu z dapamohaj śpiecyjalnaha prybora MSolo, jaki byŭ admysłova raspracavany dla pošuku vady na Miesiacy.
Vyprabavańnie było praviedziena ŭ śpiecyjalnaj śfieryčnaj kamiery, viadomaj jak brudnaja ciepłavaja vakuumnaja kamiera. Sam praces nahravańnia hruntu i zdabyčy kisłarodu adbyvaŭsia ŭnutry vuhletermičnaha reaktara — pryłady, u jakoj vykarystoŭvajucca vysokija tempieratury dla vytvorčaści vokisu vuhlarodu abo dyjaksidu vuhlarodu na Ziamli. Takija reaktary vykarystoŭvajucca, naprykład, pry vytvorčaści soniečnych batarej i stali. Ciapier ža reaktar byŭ upieršyniu vykarystany ŭnutry vakuumnaj kamiery va ŭmovach, nabližanych da miesiacovych, i heta dało mahčymy dokaz taho, što jon sapraŭdy moža pracavać u miesiacovym asiarodździ.
Kiraŭnik prajekta i staršy inžynier NASA raspavioŭ, što technałohija štohod moža vyrablać kisłarod vahoj u niekalki razoŭ bolšaj za ŭłasnuju. Heta maje dapamahčy padtrymlivać miescy pražyvańnia na Miesiacy dla budučych astranaŭtaŭ, u toj čas jak NASA i inšyja kaśmičnyja ahienctvy imknucca da ŭstojlivaj prysutnaści na pavierchni spadarožnika Ziamli i vakoł jaho.
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary