Zatrymali ŭładalnikaŭ sietki kram «Moda Maks», ich abvinavačvajuć u niaspłacie padatkaŭ i padtrymcy pratestaŭ
Uładalniki sietki kram sekand-chendu «Moda Maks» stali fihurantami kryminalnaj spravy pa abvinavačańni va ŭchileńni ad vypłaty padatkaŭ u asabliva bujnym pamiery (č. 3 art. 243 KK). Zasnavalnica sietki Ała Chadasievič i jaje niaviestka Ina Chadasievič byli zatrymanyja, a syn Ały, Piatro Chadasievič, znachodzicca ŭ Łatvii. Akramia padatkovych abvinavačańniaŭ, siamja taksama padazrajecca ŭ padtrymcy pratestaŭ. Pra heta raskazaŭ u svaim učarašnim siužecie telekanał STB.
U siužecie prapahandysty raskazali, što nieabhruntavanaje vykarystańnie sproščanaj sistemy padatkaabkładańnia nibyta dazvalała ŭładalnikam sietki kram pradavać nasielnictvu tavar z nacenkaj vyšej za 200%, pry hetym chavać zvyšprybytki ad padatkaabkładańniaŭ.
Śćviardžajecca, što ŭ pieryjad z 2019 pa 2022 hod fihuranty nibyta nie zapłacili ŭ biudžet padatak na prybytak i padatak na dadatkovuju vartaść u sumie bolš za 2 miljony biełaruskich rubloŭ».
Pavodle repartažu, siamja Chadasievičaŭ nibyta kantralavała 13 afilavanych kampanij, jakija zajmajucca prodažam patrymanych tavaraŭ i vykarystoŭvali sproščanuju schiemu padatkaabkładańnia. Kiraŭniki hetych kampanij byli, maŭlaŭ, svajakami abo znajomymi Chadasievičaŭ.
Adnak ekanamičnymi abvinavačańniami tut nie abyšłosia, bo siłaviki zacikavilisia taksama palityčnymi pohladami siamji. STB paviedamlaje, što členy siamji Chadasievič nibyta ŭdzielničali ŭ pratestach u 2020 hodzie, padpisvalisia na «ekstremisckija» telehram-kanały, pieraličvali hrašovyja srodki ŭ «destruktyŭnyja» fondy, zakryvali kramy daterminova ŭ dni pratestaŭ i zvalniali abo depremiravali supracoŭnikaŭ, jakija nie padtrymali pratesty.
Niahledziačy na zatrymańnie kiraŭnictva, sietka kramaŭ «Moda Maks» pakul praciahvaje pracavać.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary