U Minsku zraschodavana vakcyna suprać hrypu, zakuplenaja ź biudžetnych srodkaŭ.
U Minsku zraschodavana vakcyna suprać hrypu, zakuplenaja sa srodkaŭ respublikanskaha i miascovaha biudžetaŭ.
Jak paviedamiła zahadčyca epidemijałahičnaha adździeła Minskaha haradskoha centra hihijeny i epidemijałohii Alena Fisienka, kampanija pa imunizacyi nasielnictva suprać hrypu ŭ Minsku zbolšaha zavieršana. Usiaho pryščepki atrymali 182 tys. minčukoŭ, u tym liku 70 tys. dziaciej. Dla paraŭnańnia: u 2008 hodzie ad hrypu było pryščeplena 170 tys. minčan.
Pavodle śpiecyjalista, na siońnia ź biudžetnych srodkaŭ praciahvajecca tolki revakcynacyja častki dziaciej, jakim užo ŭviali pieršuju dozu vakcyny (imunizacyja maleńkich dziaciej pravodzicca ŭ niekalki etapaŭ).
Jak paviedamiła Fisienka, taksama zaviaršajecca vakcynacyja za košt srodkaŭ płatnaj miedycyny:
u bolšaści lačebna‑prafiłaktyčnych ustanoŭ vakcyna ŭžo zraschodavana, u niekatorych — zastałasia nievialikaja kolkaść doz.
Pavodle słovaŭ śpiecyjalista, vakcyna suprać hrypu ź biudžetnych srodkaŭ sioleta bolš zakuplacca nie budzie. Fisienka taksama adznačyła, što nie vałodaje infarmacyjaj ab zakupkach śpiecyjalnaj vakcyny suprać hrypu A (H1N1), jakuju płanavałasia pastavić z Rasiei ŭ Biełaruś u kancy listapada — pačatku śniežnia. Pavodle jaje słoŭ, pieramovy pa hetym pytańni viaducca na ŭzroŭni Ministerstva achovy zdaroŭja.
U pryvatnych miedcentrach «Ekamiedservis», «Nardzin» i «Łade» paviedamili, što supraćhrypoznyja vakcyny skončyłasia.
Pryčym u «Nardzin» pryščepak suprać hrypu ŭžo rabić nie buduć, u «Ekamiedservis» nie ŭpeŭnienyja ŭ terminach adnaŭleńnia vakcynacyi. I tolki ŭ «Łade» zapeŭnili, što vakcyna budzie zaviezieny na nastupnym tydni.
Nahadajem, 6 listapada staršynia kamiteta pa achovie zdaroŭja Minharvykankama Dźmitryj Pinievič padčas onłajn‑kanfierencyi na sajcie Biełteleradyjokampanii
zaklikaŭ žycharoŭ stalicy rabić pryščepki ad hrypu.
Pinievič padkreśliŭ, što čakajecca druhi padjom ŭzroŭniu zachvorvajemaści na hryp i vostryja reśpiratornyja infiekcyi, «tamu hetaja pryščepka spracuje i na druhi, i na treci padjom».
Pa stanie na 12 listapada ŭ Biełarusi było zarehistravana ŭžo 165 łabaratorna paćvierdžanych vypadkaŭ hrypu A (H1N1).
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro1
Kamientary