Kadyraŭ zrabiŭ šou z sustrečy kania i dadaŭ jašče bolš fantastyčnaści ŭ viersiju pra jaho viartańnie
Z nahody viartańnia z Čechii svajho raniej nibyta źnikłaha žarabca Zazu kiraŭnik Čačni Ramzan Kadyraŭ zładziŭ cełaje šou, zapisaŭšy videa i vystaviŭšy jaho ŭ svaim telehram-kanale. A zaadno na radaściach padzialiŭsia novaj viersijaj taho, jak hetaje viartańnie adbyłosia.
U novaj viersii ŭkrainskija śpiecsłužby, jakim Kadyraŭ nasupierak usim rasijskim zakonam nibyta, pavodle jahonaj raniejšaj viersii, zapłaciŭ za svajho skakuna 18 tysiač dalaraŭ, zastalisia, ale hetym razam im tyja hrošy nie dali i paniuchać:
«U apošni momant pieradačy skakuna na miažy ŭkrainski bok albo zadumaŭ niešta pa-za płanam, albo niešta nie padzialiŭ pamiž saboj. Pakul pradstaŭniki śpiecsłužbaŭ Ukrainy vyśviatlali pamiž saboj adnosiny ŭ prysutnaści maich ludziej, apošnija prosta zabrali kania, nie addajučy hrošy. I pravilna zrabili! Kanakrady z esbeušnikaŭ vydatnyja, a voś pierahavorščyki — nijakija».
Zazu źjaŭlajecca 16-hadovym hniadym žarabcom, jaki znachodzicca va ŭłasnaści kiraŭnika Čačni i tamu byŭ zamarožany ŭ jakaści jaho aktyvu paśla ŭviadzieńnia sankcyj u 2014 hodzie. U sakaviku źjaviłasia navina, što koń źnik z adnoj z češskich stajniaŭ i, chutčej za ŭsio, byŭ skradzieny.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary