U łondanskim vydaviectvie «Skaryna» vychodzić fotaalbom ź vieršami i zdymkami pra «kryvavyja ziemli» Biełarusi i Ukrainy
U vydaviectvie «Skaryna» vychodzić fotaalbom Bloodlands 20/22 Belarus/Ukraine — ź vieršami, stvoranymi Alesiem Płotkam i fatahrafijami Alesia Pileckaha i Stanisłava Kruparža. U fokusie aŭtaraŭ — «kryvavyja ziemli», Biełaruś i Ukraina, i ich pakutliva rozny šlach dekałanizacyi.
Akramia aŭtarskich tvoraŭ, kniha źmiaščaje pierakłady ŭkrainskich litarataraŭ: Ivana Semiesiuka, Tani Radzivonavaj, Viačasłava Lavickaha, Łesyka Panasiuka, Angie Siveria, piša Reform.by.
Nazva vydańnia zapazyčanaja ŭ historyka Cimaci Snajdera. Kancept «Kryvavych ziemlaŭ» vyviedzieny Snajderam z daśledavańniaŭ palityčnaha, kulturnaha i ideałahičnaha kantekstu, u adpaviednaści ź jakim režymy Stalina i Hitlera ździejśnili masavaje zabojstva pryblizna 14 miljonaŭ mirnych ludziej pamiž 1933 i 1945 hadami.
Uvieś prybytak budzie nakiravany reabilitacyjnamu centru «Łanka», stvoranamu biełarusami va Ukrainie.
Papiaredniuju zamovu pa źnižanym košcie možna zrabić da 5 červienia. Kniha vyjdzie pry kancy červienia i jaje možna budzie atrymać pa pošcie ci zabrać na adnoj z troch paćvierdžanych prezientacyj u Varšavie (9 lipienia), Vilni i Prazie.
Zamović vydańnie možna tut.
Aŭtary Bloodlands 20/22 Belarus/Ukraine:
Aleś Płotka — litaratar i muzyka, vakalist hurtoŭ Sož i Baisan&Yasinski, aŭtar troch knih paezii i knih-pierakładaŭ na biełaruskuju Jurka Izdryka, Ivana Semiesiuka i Alaksandra Čarnuchi.
Aleś Pilecki — viadomy viciebski fatohraf i žurnalist, publikavaŭsia ŭ bujnych biełaruskich miedyja.
Stanisłaŭ Kruparž (Stanislav Krupař) — češski vajskovy žurnalist, viadomy pa supracoŭnictvie z Die Zeit, Stern, Der Spiegel, GEO, The New York Times, Time, NZZ, Reportér magazín i inšymi.
Ciapier čytajuć
Cichanoŭskaja — Trampu: Łukašenku treba pakarać, a nie zaachvočvać9
Kamientary