Sumnaviadomy homielski pravakatar raspyliŭ ślezaciečny haz i byŭ zatrymany
Jon paskardziŭsia na dziejańni milicyi ŭ svaim videa, ale nieŭzabavie jaho vydaliŭ.
Homielski pravakatar Jaŭhien Katlaroŭ (Kakojta) 24 maja apublikavaŭ u fejsbuku videa, na jakim pakazana zatrymańnie jaho milicyjaj. Katlaroŭ paskardziŭsia na supracoŭnika DAI, jaki ŭžyŭ siłu ŭ dačynieńni da jaho siabra:
«Voś heta supracoŭnik DAI praktykujecca na čałavieku sa złamanaj rukoj», — prakamientavaŭ videa z zatrymańniem siabra Katlaroŭ.
«Fłahštok» raspaviadaje, što adbyłosia.
Historyju zdareńnia raskazaŭ sam Katlaroŭ u YouTube paru dzion tamu. Videazapis užo vydaleny, ale «Fłahštok» zrabiŭ kopiju.
Na videa Katlaroŭ pakazaŭ zapis z rehistratara ŭ jaho aŭtamabili. U rehistratary pakazanaja niapravilnaja data. Umovy nadvorja i najaŭnaść maškary pakazvajuć na toje, što zapis moh być zrobleny 22 maja, kali ŭpieršyniu frahmient hetaha videa źjaviŭsia ŭ homielskim aŭtamabilnym čacie.
Pa słovach Katlarova, jon razam sa svaim znajomym Ryhoram i jašče niekalkimi ludźmi pryjechali na miesca DTZ, jakoje adbyłosia na trasie M-8 niedaloka ad vioski Sasnoŭka pad Homielem. Spačatku jon sustreŭ vinavataha ŭ DTZ — kiroŭcu hruzavika. Na jaho aŭtamabili na chadu źlacieła koła i ŭdaryła jak minimum u adzin lehkavy aŭtamabil.
Zatym Katlaroŭ padjechaŭ razam ź vinavatym u DTZ da paciarpiełych kiroŭcaŭ niekalkich lehkavych aŭtamabilaŭ. Paciarpiełyja pryniali Katlarova za vinavataha ŭ DTZ. Pryjechaŭ narad DAI Homielskaha rajona, vierahodna, padumaŭ hetak ža.
U hety momant zaviazałasia bojka, adzin z paciarpiełych u DTZ rezkim rucham ruki napałochaŭ Katlarova. Katlaroŭ pastaraŭsia jaho ŭdaryć, ale ŭ jaho ničoha nie atrymałasia. Zatym jon staŭ raspylać bałončyk sa ślezaciečnym hazam, imknučysia trapić u tvary dvaich mužčyn.
U vyniku rabotnik DAI pakłaŭ Katlarova na ziamlu. Inšy milicyjant žorstka pakłaŭ na ziamlu znajomaha Katlarova — Ryhora.
Pa słovach Katlarova, u milicyjanta nie akazałasia kajdankoŭ i jon pakinuŭ adnaho z paciarpiełych achoŭvać Ryhora. U pracesie zatrymańnia ŭ Ryhora byli razdroblenyja kostki ruki. U paćviardžeńnie Katlaroŭ raźmiaściŭ fatahrafiju Ryhora ŭ balnicy z traŭmavanaj rukoj.
Dziejańni daišnikaŭ Katlaroŭ prakamientavaŭ u miakkaj formie:
«Chaču padkreślić «najvyšejšuju» kvalifikacyju našych dvuch homielskich daišnikaŭ z Homiel-sielskaj, tak zvanaha… Prafiesijanalizm našych daišnikaŭ i ŭpartaść — vo!»
Aproč taho, Katlaroŭ paviedamiŭ, što milicyjant choča jaho zasudzić «za niepadparadkavańnie». Jak dokaz hetaha jon pryvioŭ aŭdyjazapis razmovy.
«Vy možacie mianie čaplać, tolki ŭ sudzie my sustreniemsia z vami. Vy heta razumiejecie sami. Ja maju prava sam sustrečny pazoŭ napisać na vas. … Na što? Pa-pieršaje, za niepadparadkavańnie…» — paviedamlaje daišnik Katlarovu pa telefonie.
Praz sutki Katlaroŭ vydaliŭ publikacyju ab tym, što adbyłosia, sa svajoj staronki ŭ fejsbuku. Siońnia tam źjaviłasia paviedamleńnie ab mahčymym pieraśledzie Katlarova.
Milicyja nie ŭklučyła hety incydent u svaje zvodki.
Ciapier čytajuć
«Adpuścicie, kali łaska, syna!» Amierykanca z amniezijaj, jaki nielehalna pryjechaŭ u Biełaruś, nie addajuć maci4
Kamientary
Błohiery ,potierpievšije ili haišniki ?
No poniatno odno,čto vsie ,biez osoboj pričiny ,
hotovy druh druhu pieriehryzť horło.