Novym kiraŭnikom Pahrankamiteta staŭ uradženiec Rasii, jaki adkazvaŭ za Bruzhi ŭ čas ataki mihrantami na Polšču
Alaksandr Łukašenka siońnia razhledzieŭ kadravyja pytańni. Novych kiraŭnikoŭ atrymali horad Hrodna i Dziaržpahrankamitet.
Staršynioj Dziaržaŭnaha pahraničnaha kamiteta Łukašenka pryznačyŭ byłoha načalnika Hrodzienskaj pamiežnaj hrupy Kanstancina Mołastava.
Mołastavu siońnia spoŭniłasia 53 hady. Ën uradženiec Rasii i skončyŭ Akademiju Fiederalnaj słužby biaśpieki RF.
Ën kiravaŭ u Hrodnie ŭ čas, kali tam ažyćciaŭlałasia ataka mihrantami na Polšču i Litvu.
Mihracyjny kryzis na miažy Biełarusi ź ES razharnuŭsia vosieńniu 2021 hoda. Pierad hetym u lipieni Łukašenka abmoviŭsia, što raz Zachad uvioŭ sankcyi suprać jaho režymu, jon nie budzie strymlivać napłyŭ mihrantaŭ.
Tysiačy mihrantaŭ z krain Afryki i Blizkaha Uschodu (u asnoŭnym ź Iraku i Siryi) pačali niezakonna pierachodzić biełaruska-litoŭskuju miažu i prasić prytułku. U Biełarusi jany apynulisia, tamu što biełaruskija ŭłady klikali ludziej u krainu, abiacajučy, što dapamohuć trapić u Jeŭropu. U vyniku mnohija biežancy trapili ŭ pastku: siłaviki ich padšturchoŭvali pierachodzić miažu, a jeŭrapiejskija pamiežniki nie puskali. Litva i Polšča pačali budavać ścianu, kab admiežavacca. Dziasiatki mihrantaŭ zahinuli.
U listapadzie na fonie mihracyjnaha kryzisu Łukašenku zvaniła Anhieła Mierkiel, kab abmierkavać situacyju.
U kancy 2021 hoda napružańnie stała spadać. Ź Biełarusi zapuścili evakuacyjnyja rejsy ŭ Irak i Siryju.
Mołastaŭ znachodzicca pad sankcyjami ES, što byli pryniatyja ŭ 2021 hodzie ŭ suviazi ź mihracyjnym kryzisam.
Anatol Łapo, jaki ŭznačalvaŭ raniej DPK, zvolnieny ŭ zapas.
Taksama Łukašenka daŭ zhodu na pryznačeńnie:
Chmiela Andreja Valerjeviča — staršynioj Hrodzienskaha harvykankama, členam Hrodzienskaha abłvykankama;
Maroza Ihara Alaksandraviča — staršynioj Aršanskaha rajvykankama;
Ładyhi Anatola Michajłaviča — staršynioj Salihorskaha rajvykankama;
Karłoviča Juryja Piatroviča — staršynioj Kleckaha rajvykankama;
Piaredni Vadzima Alaksandraviča — kiraŭnikom administracyi Pieršamajskaha rajona h. Minska.
Kamientary
U Łukašenki ŭsio vajskovyja pasady zajmajuć vyklučna etničnyja maskavity. Kačanava jak kandydat na pasadu prezidenta tak sama maskavitka. Maskavity jakija ni movy biełaruskaj nia viedajuć ni kultury, jakija nie majuć karanioŭ biełaruskich, jakija nienavidziać narod biełaruski, dla jakich radzima Maskovija kirujuć akupavanaj Biełaruśsiu. Nie daviaraje haŭlajtar biełarusam. Adnych maskavitaŭ vakoł stavić na ŭsio siłavyja pasady.