Mera Hrodna Miečysłava Hoja adpravili ŭ adstaŭku. Jaho pasadu zaniaŭ były ministr ŽKH
Były ministr ŽKH Andrej Chmiel stanie meram Hrodna. Na jaho pryznačeńnie daŭ siońnia zhodu Alaksandr Łukašenka. Miečysłaŭ Hoj byŭ staršynioj Hrodzienskaha harvykankama bolš za 8 hadoŭ.
Pryznačajučy novaha kiraŭnika Hrodna, Łukašenka kamplimientarna adhuknuŭsia pra jaho pracu ŭ ŽKH.
«Kab vy razumieli, u mianie vielmi dobraje staŭleńnie da vašych padychodaŭ, vašaj pracy, jakoj vy zajmalisia. Pasada ministra vielmi važnaha, ale nievialikaha orhana [Ministerstva ŽKH], zdavałasia b, niezaŭvažnaja. Ničoha padobnaha! Dla mianie heta było prykmietna».
Łukašenka namiaknuŭ na toje, što novaha mera Hrodna paprasiŭ hubiernatar Hrodzienskaj vobłaści.
«Ja liču vas, — źviarnuŭsia Łukašenka da Chmiela, — vielmi padrychtavanym čałaviekam, pamiataju vašy dakłady ź Viciebskaj vobłaści. Vy vielmi dobra raźbirajeciesia ŭ hetaj temie. I kali pastupiła prośba kiraŭnictva Hrodzienskaj vobłaści, tam nie tolki Karanik paprasiŭ [hubiernatar Uładzimir Karanik], ja padumaŭ, što, kali vy zhodnyja, heta całkam narmalnaja pasada. Ale, kab vy razumieli, nie apošniaja. Ja vielmi spadziajusia, nie apošniaja pasada ŭ vašaj karjery».
Andrej Chmiel naradziŭsia ŭ 1983 hodzie ŭ Lidzie. Skončyŭ Biełaruski dziaržaŭny ahrarny techničny ŭniviersitet. U červieni 2020 hoda staŭ ministram ŽKH.
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju13
Kamientary