U Vilni abmiarkoŭvajuć, jak pryciahnuć Łukašenku da adkaznaści ŭ miežach mižnarodnaha pravasudździa
Śviatłana Cichanoŭskaja 12 červienia vystupiła ŭ Vilni na mižnarodnaj kanfierencyi «Adkaznaść režymu Łukašenki za złačynstvy suprać čałaviečnaści i mihracyjny kryzis: pierśpiektyvy mižnarodnaha pravasudździa», paviedamiła pres-słužba Ofisa Cichanoŭskaj.
«Hetaja kanfierencyja — jašče adzin krok u adnaŭleńni pravasudździa ŭ Biełarusi, — skazała Śviatłana Cichanoŭskaja. — Dla adnaŭleńnia spraviadlivaści nam nieabchodna nie tolki vyzvalić usich palityčnych źniavolenych i pravieści svabodnyja i sumlennyja vybary, ale i pryciahnuć da adkaznaści ŭsich, chto ŭčyniŭ złačynstvy».
Cichanoŭskaja zaznačyła, što režym Łukašenki maje doŭhi śpis złačynstvaŭ z 1994 hoda: złoŭžyvańnie ŭładaj, falsifikacyja vybaraŭ, złačynstvy suprać čałaviečnaści, pazasudovyja raspravy nad palityčnymi apanientami.
«My viedajem pra hetyja złačynstvy, ale ŭ nas niama miechanizmaŭ, jakija dazvalajuć pryciahnuć režym da adkaznaści. Spadziajusia, ekśpierty, jakija sabralisia tut, dapamohuć nam znajści rašeńni», — skazała jana.
Cichanoŭskaja dadała, što ŭžo ciapier my pavinny vyvučyć isnujučyja miechanizmy pryciahnieńnia dyktatara i jaho pamahatych da adkaznaści. Ich niekalki: univiersalnaja jurysdykcyja, śpiecyjalnyja trybunały i śpiecyjalnyja rehijanalnyja trybunały, Mižnarodny sud i Mižnarodny kryminalny sud.
Ale pry hetym vialikaha prahresu, pavodle Cichanoŭskaj, pakul niama.
«Režym bačyć, što isnujučyja miechanizmy nie pracujuć. Heta daje jamu adčuvańnie biespakaranaści, i režym tolki ŭzmacniaje represii», — skazała jana.
«My pavinny vypracavać dakładnuju stratehiju», — zaklikała Śviatłana Cichanoŭskaja.
Mižnarodnaja kanfierencyja «Adkaznaść režymu Łukašenki za złačynstvy suprać čałaviečnaści i mihracyjny kryzis: pierśpiektyvy mižnarodnaha pravasudździa» była arhanizavana Ministerstvam justycyi Litoŭskaj Respubliki sumiesna z Law and Democracy Centre.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary