Rasijskaja kampanija nabyła druhi biełaruski zavod, pakinuty zachodnimi inviestarami
Viasnoj rasijskaja kampanija «Technanikol» kupiła zavod u polskaha inviestara ŭ Breście. Ciapier ža stała viadoma pra pahadnieńnie jašče i ź litoŭskaj VMG Group ab nabyćci pradpryjemstva ŭ Barysavie, paviedamlaje Office Life na padstavie infarmacyi z rasijskich miedyja.
U sakaviku hetaha hoda «Technanikol» abviaściła ab nabyćci vytvorcy fasadaŭ i materyjałaŭ dla ŭnutranaha azdableńnia «Profili Voks». U raźmieščany ŭ SEZ «Brest» zavod raniej inviestavała polskaja kampanija Vox.
U červieni ž rasijanie nabyli barysaŭskuju lesapilna-pieletnuju kampaniju «SVUDS ekspart» u litoŭskaj VMG Group. Dahetul «SVUDS ekspart» zastavaŭsia adzinym ź jaje biełaruskich aktyvaŭ, jaki nie byŭ pierajmienavany i nie ŭvajšoŭ u novuju strukturu Novus Group.
Pavodle ekśpiertnych acenak, barysaŭski zavod moh abyścisia pakupniku ŭ 30 młn jeŭra pry realnym košcie kala 50 młn. Dyskont da cany ŭžyvaŭsia ŭ suviazi z tym, što «SVUDS ekspart», jak i VMG Group, pazbaviŭsia svajho klučavoha klijenta IKEA.
Novy ŭładalnik, kamientujučy ździełku, zajaviŭ, što kupiŭ aktyŭ «pa vyhadnaj canie», a taksama paabiacaŭ ukłaści ŭ madernizacyju zavoda 20 młn jeŭra i pieraaryjentavać pradpryjemstva na rynak Paŭdniova-Uschodniaj Azii.
Na biełaruskim rynku kampanija «Technanikol» pracuje z kanca 1990-ch. U 2005 hodzie jana vykupiła miascovaha vytvorcu dachavych i hidraizalacyjnych materyjałaŭ «Dach» u Asipovičach i paźniej pieranazvała jaho ŭ «Dachavy zavod «Technanikol».
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie2
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary