Try bieśpiłotnyja latalnyja aparaty źbili ŭ Novaj Maskvie i Nara-Faminskim rajonie Maskoŭskaj vobłaści z dapamohaj srodkaŭ radyjoelektronnaj baraćby.
«U Novaj Maskvie ŭ poli la vioski Łukina, a taksama ŭ rajonie [dysłakacyi] Tamanskaj dyvizii ŭ Padmaskoŭi źbili srodkami radyjoelektronnaj baraćby try bieśpiłotniki, jakija ŭpali, nie paškodziŭšy jakich-niebudź abjektaŭ. Abłomki buduć nakiravanyja na ekśpiertyzu», — skazaŭ surazmoviec TASS.
Jon adznačyŭ, što, pavodle papiarednich źviestak, paciarpiełych u vyniku zdareńnia niama. Na miescy ciapier pracuje palicyja.
Hubiernatar Maskoŭskaj vobłaści Andrej Varabjoŭ paćvierdziŭ źbivańnie BPŁA ŭ pasiołku Kalininiec:
«Siońnia dva aparaty samalotnaha typu ŭpali ŭ 5:30 i 5:50 ranicy na padlocie da składoŭ adnoj z vajskovych čaściej u vyniku procidziejańnia vajskoŭcaŭ. Askołki vyjaŭlenyja, razbureńniaŭ i paciarpiełych niama», — cytuje jaho Mash.
Kamientary