Hienprakuratura raspačała kryminalnuju spravu ab złačynstvie suprać čałaviectva za žorstkaje abychodžańnie ź mihrantami na miažy ź Litvoj
Hienieralnaja prakuratura Biełarusi abviaściła pra novuju kryminalnuju spravu. Pavodle aficyjnaha pradstaŭnika Hienieralnaj prakuratury Respubliki Biełaruś Anžaliki Kurčak, sprava zaviedzienaja za žorstkaje abychodžańnie ź mihrantami na litoŭskaj miažy.
«Pa faktach hrubaha parušeńnia litoŭskim bokam patrabavańniaŭ mižnarodnaha prava, jakija vyznačajuć hramadzianskija i palityčnyja pravy biežancaŭ, departacyi i nieabhruntavanaha prymianieńnia da mihrantaŭ fizičnaj siły i śpiecyjalnych srodkaŭ, naŭmysnaha nieakazańnia im miedycynskaj dapamohi, što paciahnuła ciažkija nastupstvy, u tym liku śmierć biežancaŭ, Hienieralnaja prakuratura raspačała kryminalnuju spravu ab złačynstvach suprać biaśpieki čałaviectva pa art. 128 Kryminalnaha kodeksa Respubliki Biełaruś», — skazała Kurčak.
Dla arhanizacyi papiaredniaha rasśledavańnia kryminalnaja sprava nakiravanaja ŭ Śledčy kamitet.
Mihrancki kryzis, spravakavany biełaruskimi ŭładami, razhareŭsia ŭ 2021 hodzie. Tady tysiačy mihrantaŭ z Azii i Afryki sprabavali patrapić u krainy ES.
Krainy-susiedzi zaniali žorskuju pazicyju i nie puścili mihrantaŭ da siabie. Paźniej jany abaranili miažu techničnymi srodkami i vysokim płotam. Ale sproby niezakonna pierabracca ŭ ES z boku Biełarusi nie spyniajucca, choć i ŭ mienšym maštabie.
Ciapier čytajuć
Vyzvalenyja biełaruskija palitviaźni parazmaŭlali ź Zialenskim14
Vyzvalenyja biełaruskija palitviaźni parazmaŭlali ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2626
Kamientary
Błazany))