Namieśnik kamandujučaha abjadnanaj hrupoŭkaj rasijskich vojskaŭ va Ukrainie hienierał Siarhiej Suravikin aryštavany, śćviardžaje vydańnie The Moscow Times na padstavie paviedamleńnia dźviuch svaich krynic, blizkich da aparatu Minabarony. Aficyjna viedamstva pakul nijak nie kamientavała hetuju infarmacyju.
Adna z krynic vydańnia śćviardžaje, što aryšt źviazany ź miaciažom Pryhožyna:
«U kantekście Pryhožyna. Mabyć jon [Suravikin] abraŭ bok [Pryhožyna padčas buntu] i jaho za jajcy chapanuli».
Adnosna taho, dzie ciapier znachodzicca hienierał, hety čałaviek kaža: «U nas navat pa ŭnutranych kanałach nie kamientujuć».
Čutki pra aryšt Suravikina raniej apublikavaŭ vajenny błohier Uładzimir Ramanaŭ. Pavodle jaho infarmacyi, hienierała aryštavali jašče 25 červienia — na nastupny dzień paśla buntu vahnieraŭcaŭ. Ciapier Suravikin nibyta znachodzicca ŭ maskoŭskim SIZA «Lafortava».
Raniej vydańnie The New York Times paviedamlała sa spasyłkaj na čynoŭnikaŭ ZŠA, znajomych z raźvieddanymi, što Suravikin nibyta zahadzia viedaŭ pra płany Jaŭhiena Pryhožyna pačać uzbrojeny miaciež suprać vajskovaha kiraŭnictva Rasii. Ale, pavodle krynicy The Moscow Times, nie zusim zrazumieła, ci tak heta nasamreč.
«Jon siabie pavioŭ nie asabliva pakorliva, kali pastavili zadaču čytać tekst na kamieru i razrulvać, zanadta hrubijaniŭ kiraŭnictvu», — skazała krynica. Praz heta, maŭlaŭ, i mahło skłaścisia ŭražańnie, što Suravikin uvachodzić u «pryhožynskuju kaalicyju».
Nieŭzabavie paśla abviaščeńnia Jaŭhienam Pryhožynym pačatku «maršu spraviadlivaści» na Maskvu hienierał Suravikin zaklikaŭ kamandziraŭ i bajcoŭ PVK «Vahnier» spynić kałony i viarnucca na miescy dysłakacyi, zajaviŭšy siarod inšaha, što «praciŭnik tolki i čakaje, kali ŭ nas abvostrycca ŭnutrypalityčnaja abstanoŭka. Nielha hulać na ruku praciŭniku ŭ hety ciažki dla krainy čas». Nakolki ščyraj była hetaja zajava, skazać ciažka.
Ciapier čytajuć
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika10
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary