Nieviadomy rasijanin pieradaŭ zakinutuju siadzibu vialikich kniazioŭ Ramanavych pad Barysavam fondu Tałaja
Dom-siadziba vialikich kniazioŭ Ramanavych u ahraharadku Stara-Barysaŭ Barysaŭskaha rajona zdabyła novych haspadaroŭ: jaje nieviadomy rasijanin padaryŭ fondu Alaksieja Tałaja. Pra heta 28 červienia va Ufie na sustrečy kiraŭnikoŭ orhanaŭ dziaržaŭnaj ułady rehijonaŭ Rasii i Biełarusi raspavioŭ sam Alaksiej Tałaj, zaŭvažyła vydańnie Ex-Press.by ŭ baškirskaj presie.
Ciapier fond Tałaja płanuje pabudavać tut reabilitacyjny centr dla dziaciej, jakija stracili kaniečnaści.
Kali mienavita nieviadomy rasijanin staŭ uładalnikam hetaj siadziby, nieviadoma. Ale ciapier dla budaŭnictva tut samaj sučasnaj, zabiaśpiečanaj usim nieabchodnym abstalavańniem ustanovy staršynia Savieta Fiederacyi Rasii Valancina Maćvijenka prapanavała nie abjaŭlać zbor srodkaŭ, a vykarystać biudžet Sajuznaj dziaržavy.
Dom-siadziba vialikich kniazioŭ carskaha domu Ramanavych u ahraharadku Stara-Barysaŭ užo šmat hadoŭ razburałasia. Tut mianiałasia šmat haspadaroŭ, byli sproby adnaŭleńnia i rekanstrukcyi, ale jany nie mieli pośpiechu.
Paśla pačatku poŭnamaštabnaj vajny va Ukrainie fond Alaksieja Tałaja źbiraje dapamohu dla samaabvieščanych «DNR» i «ŁNR» i pryvozić u Biełaruś na «azdaraŭleńnie» dziaciej z akupavanych terytoryj, što pryznana Mižnarodnym kryminalnym sudom vajennym złačynstvam.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»21
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary