«Dziejańniam uładaŭ u Minsku niama apraŭdańnia». MZS Polščy prakamientavała cisk na ŭładalnikaŭ karty palaka ŭ Biełarusi
Pravaabaroncy na hetym tydni paviedamili pra jak minimum 10 vypadkaŭ, kali biełarusaŭ na miažy prymušali pisać zajavy ab admovie ad karty palaka. Telekanał «Biełsat» źviarnuŭsia z hetaj nahody ŭ polskaje MZS i daviedaŭsia pra jaho dumku adnosna taho, što adbyvajecca.
U Ministerstvie zamiežnych spravaŭ Polščy ŭ adkaz na zapyt «Biełsatu» zajavili, što «z tryvohaju nazirajuć za palitykaj biełaruskaha režymu» ŭ dačynieńni da palakaŭ, jakija žyvuć u Biełarusi.
«Represii, pieraśled i cisk zakranajuć nie tolki ŭładalnikaŭ karty palaka, ale i siabroŭ Sajuza palakaŭ, polskuju adukacyju, polskija miemaryjalnyja abjekty, raźmieščanyja ŭ Biełarusi», — adznačyli ŭ MZS.
Tam padkreślili, što ŭładalniki karty palaka zastajucca biełaruskimi hramadzianami, bo karta nie mianiaje hramadzianstva ŭładalnika.
«Represii i abmiežavańni, što nakładajucca na ŭładalnikaŭ karty palaka, vyklikajuć naš rašučy pratest, jaki nieadnarazova pieradavaŭsia pa dypłamatyčnych kanałach. Dziejańniam uładaŭ u Minsku niama apraŭdańnia», — zajavili «Biełsatu» ŭ viedamstvie.
U zajavie MZS taksama havorycca, što Polšča «ŭvažliva adsočvaje i analizuje dalejšyja vypadki parušeńnia pravoŭ asoby ŭ Biełarusi i prymaje ŭsie mahčymyja zachady dziela minimizacyi nastupstvaŭ antypolskaj kampanii, što pravodzicca dyktatarskim biełaruskim režymam».
Pravaabaronca centra «Viasna» Viktoryja Rudziankova havoryć pra viadomyja pravaabaroncam 10 padobnych vypadkaŭ, ale, «chutčej za ŭsio, ich našmat bolš»:
«Spačatku ludzi musiać pryjści na hutarku z supracoŭnikam KDB, jaki čakaje na miažy, a potym jany pad prymusam pišuć admovu ad karty palaka polskamu konsułu».
I choć napisanyja pad prymusam chadajnictvy jurydyčnaj mocy nie majuć, pravaabaronca raić dasłać dypłamatam novy list z «admovaj ad admovy», u jakoj treba adznačyć, što admova nikčemnaja, bo napisanaja pad prymusam.
U varšaŭski Centr biełaruskaj salidarnaści pakul nie pastupała zvarotaŭ z nahody prymusu da admovy ad karty palaka, jak paviedamiła «Biełsatu» jurystka arhanizacyi Maryna Hryščanka. Jana adznačyła, što, navat kali polskija ŭłady dakumient anulujuć, hetaje rašeńnie možna abskardzić u niekalkich instancyjach. Da taho ž ništo nie zaminaje atrymać kartu nanova.
Jana taksama zaŭvažyła, što anulavańnie karty palaka nie ciahnie za saboju aŭtamatyčnaha anulavańnia nacyjanalnaj vizy, jakuju vydali na padstavie karty: «Niama takoha zakonu. Kab pazbavić asobu vizy, taksama patrabujecca raspačać asobnaje viadzieńnie i vydać rašeńnie ab tym, što viza anulavanaja».
Chutka ŭ biełarusaŭ źjavicca abaviazak infarmavać pra atrymańnie DNŽ, karty palaka i hramadzianstva inšych krain. Što čakaje tych, chto prychavaje hety fakt?
U tych, chto vyjazdžaje za miažu bieź vizy, pačali patrabavać pakazvać DNŽ. Što viadoma
Supracoŭnikaŭ dziaržustanoŭ prymušajuć admaŭlacca ad karty palaka. Pry admovie pahražajuć zvalnieńniem
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary