Mova44

Havaryć pa-biełarusku. Zrobleny važny krok u štučnym sintezie biełaruskaha maŭleńnia

Na sajcie prajekta «Biełaruski N-korpus», dzie nad stvareńniem Nacyjanalnaha korpusa biełaruskaj movy pracuje siektar kampjutarnaj linhvistyki Instytuta movaznaŭstva imia Jakuba Kołasa NAN Biełarusi, źjaviŭsia pieršy sintezatar biełaruskaha maŭleńnia.

Novaja mahčymaść pašyryć haryzonty raspaŭsiudžvańnia biełaruskaj movy. 

Śpiecyjalisty adznačajuć, što daŭno šukali mahčymaść stvaryć sintezatar i ciapier svaje pieršyja vyniki ŭ hetym kirunku zrabili dastupnymi dla ŭsich u raździele «Fanietyčny kanviertar i sintez maŭleńnia» na sajcie «Biełaruskaha N-korpusa». 

Sintezatar zrobleny pa śladach biełaruskamoŭnaj madeli dla ahučvańnia tekstu «Biełaruski tekst-u-maŭleńnie» i vykarystoŭvaje tyja samyja zapisy dla navučańnia, jakija byli sabranyja prajektam donar.by. Na sajcie prajekta donar.by možna jak zapisać («achviaravać») svoj hołas, tak i pravieryć užo zroblenyja zapisy. Uchvalenyja zapisy traplajuć u nabor danych Common Voice, jaki raspaŭsiudžvajecca pad svabodnaj licenzijaj i zaklikany dapamahać raspracoŭščykam stvarać pryłady dla raspaznavańnia maŭleńnia. Mienavita hetaj mahčymaściu i skarystalisia navukoŭcy z Akademii navuk.

Demanstracyja sintezu biełaruskaj movy.

Ciapier na sajcie «Biełaruskaha N-korpusa» možna zrabić fanietyčnuju transkrypcyju luboha biełaruskaha tekstu pavodle praviłaŭ Mižnarodnaha fanietyčnaha ałfavita (IPA), abo tak zvanaj «školnaj transkrypcyi», jakaja šyroka raspaŭsiudžana ŭ ajčynnym movaznaŭstvie. Dla bolšaści słoŭ kanviertar zdolny samastojna padabrać i pastavić naciski dla karektnaj sintezacyi maŭleńnia, dla bolš redkich słovaŭ, naprykład, ułasnych nazvaŭ, jość mahčymaść pastavić nacisk samastojna. U ciapierašniaj testavaj viersii maksimalny pamier tekstu dla ahučvańnia abmiežavany 2000 znakaŭ.

Prykład apracoŭki kanviertaram tekstu «Naša Niva» — pieršaja biełaruskaja hazieta z karcinkami»

Pakul što sintezavanaje maŭleńnie hučyć dosyć štučna, miechanična, ale pry hetym całkam karektna. Sintezatary inšych bujnych moŭ, jakija viadomyja ŭžo nie pieršy hod, ad pačatku ŭsie hrašyli na niekarektnaje pračytańnie słoŭ i pamyłkovyja naciski — hety dośvied, vidać, byŭ uličany. Biełaruskija śpiecyjalisty abiacajuć praciahvać pracu dalej i zaklikajuć dałučacca ŭsich, chto hatovy da supracoŭnictva.

«Ciapier my majem dośvied u navučańni sintezu maŭleńnia i hatovyja praciahvać pracu dalej. Dla hetaha nam treba davieści da ładu fanietyčny kanviertar, zapisać u dobraj jakaści dyktaraŭ z dobrymi hałasami i pravilnaj fanietykaj, padrychtavać hetyja zapisy dla navučańnia sintezataru maŭleńnia», — adznačajuć raspracoŭščyki.

U sacsietkach hetuju navinu ŭspryniali nadzvyčaj stanoŭča, biełarusy adrazu prykinuli, što raźvićcio hetaj technałohii dazvolić, naprykład, biełarusizavać hałasavych pamočnikaŭ, aŭtamatyzavać stvareńnie subcitraŭ na YouTube i raspaznavać biełaruskamoŭnyja hałasavyja paviedamleńni ŭ miesiendžarach, čaho ciapier pazbaŭleny.

Kamientary4

  • Biełarusinčyk
    10.07.2023
    DZIAKUJ!!!
  • donarka ŭ donar.by
    11.07.2023
    jak pryjemna bačyć takija naviny, viedajučy, što i vy ŭkłalisia ŭ hetuju dobruju spravu! vydatnaja praca, N-korpus, pryvitańni ŭsim donaram i donarkam donar.by / Common Voice Belarus!
  • Gubaz
    11.07.2023
    Dziakuj za artykuł. Ja vielmi doŭha takoje šukaŭ
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»

Usie naviny →
Usie naviny

Hładkaja nazvała Bondaravu i Mirsalimavu čarviami. Azaronak i Łukjanaŭ patrabujuć likvidacyi14

U Niderłandach zabity finansist, jaki raskazaŭ pra admyvańnie hrošaj, arhanizavanaje ŭ minskim H Casino4

Pamočnik Cichanoŭskaj Daniła Harkavy i dola nieviadomych10

Daždžy, ciapłyń, paśla zamarazki: voś što treba viedać pra nadvorje na vychadnyja i paśla

Pakładzicie limon u mikrachvaloŭku — piać chvilin kajfu harantavanyja4

U Minsk ściahvajecca vajskovaja technika1

U Vałhahradzie katafałk ulacieŭ u padziemny pierachod1

Cichanoŭskaja: Rasijskaja apazicyja pavinna dystancyjavacca ad impieryjalistyčnaha naratyvu21

Biełaruskaja čyhunka źbirajecca pravieści aptymizacyju štatu na 30%8

bolš čytanych navin
bolš łajkanych navin

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»

Hałoŭnaje
Usie naviny →

Zaŭvaha:

 

 

 

 

Zakryć Paviedamić