Jak śćviardžaje krynica «Mieduzy», blizkaja da Hałoŭnaha ŭpraŭleńnia raźviedki Minabarony Ukrainy, pry atacy na most vykarystoŭvalisia «takija ž drony, jak i tyja, što ŭžyvalisia pa Sievastopali miesiacy z try tamu». Prytym paškodžańni mohuć być kudy surjoźniejšyja, čym zajaŭlajecca aficyjna.
Krynica «Mieduzy» adznačyła, što ŭ rasijskich vajskoŭcaŭ u rehijonie niama śpiecyjalnaha abstalavańnia, kab vyjaŭlać drony na značnaj adlehłaści da celi, tamu rasijanie ŭbačyli bieśpiłotniki tolki ŭ niepasrednaj blizkaści ad mosta, kali zrabić ź imi štości było ŭžo niemahčyma.
Taksama krynica «Mieduzy» śćviardžaje, što ŭ mosta nibyta była paškodžanaja adna z apor. I kali ŭ vypadku paškodžańnia pralota «možna novy pakłaści», to paškodžańnie apory — situacyja kudy bolš surjoznaja.
Ułady RF paškodžańnie apory mosta pakul admaŭlajuć: u Mintransie Rasii zajaŭlali tolki pra «najaŭnaje paškodžańnie darožnaha pałatna», asobna adznačyŭšy, što źviestki ab paškodžańniach, jakija raniej źjavilisia ŭ ŚMI, nie paćvierdzilisia.
Akramia taho, krynica «Mieduzy» paćviardžaje, što vybuch na Krymskim moście 17 lipienia byŭ sumiesnaj apieracyjaj Słužby biaśpieki Ukrainy i VMS Ukrainy. Raniej pra heta ž paviedamlali vydańni «Ukrainskaja praŭda» i «RBK-Ukraina» sa spasyłkaj na ŭłasnyja krynicy ŭ SBU.
U Rasii raspačali kryminalnuju spravu pa artykule «terakt» pa spravie ab vybuchu na Krymskim moście
Vybuch na Krymskim moście. Zahinuli dva čałavieki. Ruch transpartu prypynieny
Jak ciapier vyhladaje Krymski most VIDEA
Roŭna hod tamu Miadźviedzieŭ skazaŭ viadomyja słovy pra Krymski most. U siecivie zaraz nad imi śmiajucca, a SBU trolić
Kamientary