Śviet77

Sajuzny Francyi błok krain Zachodniaj Afryki abviaściŭ błakadu Nihieru i pryhraziŭ siłaj adnavić kanstytucyjnuju zakonnaść u krainie

Lidary Ekanamičnaj supolnaści zachodnieafrykanskich dziaržaŭ (ECOWAS) dali prarasijskaj vajskovaj chuncie Nihiera roŭna tydzień na vyzvaleńnie prezidenta krainy i adnaŭleńnie kanstytucyjnaha ładu. U advarotnym vypadku, maŭlaŭ, buduć pryniatyja ŭsie mahčymyja miery, uklučajučy poŭnamaštabnaje ŭvarvańnie.

Pašpart z emblemaj ECOWAS — Ekanamičnaj supolnaści zachodnieafrykanskich dziaržaŭ, jakaja vielmi ciesna źviazanaja z Zachadam i asabliva z Francyjaj. Fota: Ecowas.int

Ekanamičnaja supolnaść zachodnieafrykanskich krain (ECOWAS) 30 lipienia vystupiła z aficyjnym ultymatumam u dačynieńni da Nihiera, u jakim dniami adbyŭsia prarasijski vajskovy pieravarot. Błok, jaki składajecca z 15-ci krain i jaki ciesna źviazany z Zachadam uvohule i Francyjaj u pryvatnaści, abjaviŭ Nihieru ekanamičnuju i palityčnuju błakadu, a taksama pryhraziŭ vajennym uvarvańniem u krainu, jak pieradaje vydańnie France 24.

U jakaści patrabavańniaŭ da vajskovaj chunty Nihiera ECOWAS paznačyła nieadkładnaje vyzvaleńnie prezidenta krainy Machamieda Bazuma, a taksama poŭnaje adnaŭleńnie kanstytucyjnaha paradku ŭ Nihiery. 

Na vykanańnie patrabavańniaŭ adviedzieny adzin tydzień. Dalej moža pačacca poŭnamaštabnaja vajskovaja apieracyja suprać putčystaŭ.

«U vypadku, kali našy patrabavańni nie buduć vykananyja na praciahu adnaho tydnia, ECOWAS prymie ŭsie nieabchodnyja miery dla adnaŭleńnia kanstytucyjnaha paradku ŭ Nihiery, uklučajučy prymianieńnie siły», — zajavili lidary krain ECOWAS u niadzielu.

Akramia taho, błok krain Zachodniaj Afryki abjaviŭ ab nieadkładnym prypynieńni ŭsich kamiercyjnych i finansavych suviaziej ź Nihieram, zamarožvańni aktyvaŭ krainy, ab zabaronie na avijapieraloty i mnohaje inšaje. Z anałahičnymi abmiežavańniami supracoŭnictva ŭžo vystupili Francyja, Jeŭrasajuz i ZŠA.

Dla Francyi i błoka ECOWAS strata Nihiera adčuvalnaja, bo kraina taksama jość členam ECOWAS, a dla Francyi heta jašče i strata vielizarnych krynic zdabyčy ŭranu.

U dadatak da hetaha vajskovaja chunta Nihiera i jaje prychilniki nie chavajuć svaich prarasijskich nastrojaŭ, a kiraŭnik PVK «Vahnier» Jaŭhien Pryhožyn užo paśpieŭ pavinšavać putčystaŭ z paśpiachovym pieravarotam i prapanavać pasłuhi svaich najmitaŭ.

Kamientary7

  • rom
    30.07.2023
    Niešta mnie heta nahadvaje😁
  • Most
    30.07.2023
    Siaržuk, jašče by i sami biełarusy byli by takimi rašučami ŭ 2020.
  • Piecia
    30.07.2023
    Makaron
    Vot siejčas nado diejstvitielno zvoniť Putinu

Ciapier čytajuć

U Minsku kolkaść niemaŭlataŭ skaraciłasia na tracinu proci 2020 hoda9

U Minsku kolkaść niemaŭlataŭ skaraciłasia na tracinu proci 2020 hoda

Usie naviny →
Usie naviny

Zianon Paźniak: Zaraz intaresy režymu ŭ niejkaj stupieni supadajuć z nacyjanalnymi intaresami62

«Kibierpartyzany»: Nie treba raździmać paniku, što režym usio moža ŭzłamać, pračytać, pra ŭsio daviedacca. Nie, nie moža2

Šviejcarski hramadski basiejn zabaraniŭ uvachod usim zamiežnikam — usio praz drennyja pavodziny francuzaŭ4

Pačaŭsia Budsłaŭski fest. Sioleta tam adbudziecca asablivaja padzieja4

Čakajecca novy raŭnd pieramovaŭ miž Biełaruśsiu i ZŠA — litoŭski ŚMI13

Knyrovič raskazaŭ, što treba rabić Cichanoŭskamu, kab vyzvalić palitviaźniaŭ7

Tramp skazaŭ Zialenskamu, što choča dapamahčy Ukrainie z supraćpavietranaj abaronaj4

«Spytali, čyj Krym». Biełarus padaŭsia adrazu na dva DNŽ u Polščy i Litvie, a ŭ vyniku musiŭ pakinuć ES9

Zialenski pahavaryŭ z Trampam pa telefonie. Abmierkavali pastaŭki zienitnych rakiet1

bolš čytanych navin
bolš łajkanych navin

U Minsku kolkaść niemaŭlataŭ skaraciłasia na tracinu proci 2020 hoda9

U Minsku kolkaść niemaŭlataŭ skaraciłasia na tracinu proci 2020 hoda

Hałoŭnaje
Usie naviny →

Zaŭvaha:

 

 

 

 

Zakryć Paviedamić