Śviet

Vajskoŭcy ŭ Nihiery abviaścili pra źviaržeńnie prezidenta

Vajskoŭcy ŭ Nihiery abviaścili pa nacyjanalnym telebačańni pra źviaržeńnie prezidenta Machamieda Bazuma. Taksama jany zajavili ab prypynieńni dziejańnia Kanstytucyi i ŭsich dziaržaŭnych instytutaŭ, a taksama ab zakryćci miežaŭ krainy na zachadzie Afryki, piša Bi-bi-si.

Machamied Bazum. Sakavik 2023 hoda. Fota: Boureima Hama / Pool Photo via AP / File

Pa telebačańni vystupiŭ hienierał-pałkoŭnik Amadu Abdurachman u atačeńni jašče dzieviaci vajskoŭcaŭ.

«My, siły abarony i biaśpieki, vyrašyli pakłaści kaniec tamu režymu, što vy viedajecie, — skazaŭ u telezvarocie hienierał. — Heta adbyłosia paśla paharšeńnia situacyi ŭ śfiery biaśpieki i niezdavalniajučaha kiravańnia ŭ ekanamičnaj i sacyjalnaj śfierach».

Pavodle Amadu Abdurachmana, kiraŭniki ministerstvaŭ praciahnuć vykonvać svaje paŭsiadzionnyja abaviazki.

«Usich źniešnich partnioraŭ prosim nie ŭmiešvacca, — praciahnuŭ hienierał. — Suchaputnyja i pavietranyja miežy zakryvajucca, pakul abstanoŭka nie stabilizujecca».

Prezidentu Bazumu, jakoha miaciežniki ŭtrymlivali ŭ jaho pałacy, telefanavali dziaržsakratar ZŠA Entani Blinkien i hienieralny sakratar AAN Antoniu Huteryš i zapeŭnili ŭ svajoj padtrymcy.

Taksama novaja vajskovaja chunta, jakaja nazyvaje siabie Nacyjanalnaj radaj pa abaronie Radzimy, ustanaviła ŭ krainie kamiendanckuju hadzinu z 22:00 da 05:00 pa miascovym časie.

Prezident Bazum, demakratyčna abrany ŭ 2021 hodzie, ličycca blizkim sajuźnikam Francyi.

Z momantu zdabyćcia niezaležnaści ad Francyi ŭ 1960 hodzie ŭ Nihiery, jaki nie maje vychadu da mora, adbyłosia čatyry paśpiachovyja pieravaroty i niekalki niaŭdałych sprob zrynuć uładu.

Apošni pieravarot u krainie adbyŭsia ŭ lutym 2010 hoda i skončyŭsia źviaržeńniem prezidenta Mamadu Tandža.

U Nihiery taksama dziejničajuć džychadzisty. Adna hrupa pryjšła na paŭdniovy zachad krainy ŭ 2015 hodzie z susiedniaj Mali, a druhaja dziejničaje na paŭdniovym uschodzie, bazujučysia pry hetym na paŭnočnym uschodzie Nihieryi.

U krainie jość hrupoŭki, źviazanyja jak z «Al-Kaidaj», tak i z «Isłamskaj dziaržavaj».

U dźviuch susiednich krainach — Mali i Burkina-Faso — niadaŭna adbylisia pieravaroty, pačatak jakim u abodvuch vypadkach pakłali vystupy džychadzistaŭ. U abiedźviuch krainach da ŭłady pryjšli siły, źviazanyja z Rasijaj.

Padziei ŭ Nihiery raźvivajucca napiaredadni samitu Rasija — Afryka, jaki projdzie ŭ Sankt-Pieciarburhu 27—28 lipienia.

Bolšaść lidaraŭ afrykanskich krain admovilisia ŭdzielničać u samicie.

Vizit Bazuma na samit nie płanavaŭsia. Inšych pradstaŭnikoŭ Nihiera ŭ śpisach udzielnikaŭ taksama niama.

«Nihier u pracy samitu nie ŭdzielničaje, heta nie źviazana z apošnimi padziejami», — paviedamiła inšaja krynica RIA «Novosti».

Machamied Bazum byŭ abrany prezidentam u 2021 hodzie. Pry papiarednim prezidencie jon pracavaŭ kiraŭnikom MUS i MZS.

Nihier — dziaržava, jakaja nie maje vychadu da mora ŭ Zachodniaj Afrycy. Nasielnictva krainy — kala 25 młn čałaviek, ahulnaja płošča — 1,267 młn kv. km (21-ja ŭ śviecie). U krainie znachodziacca vializnyja radoviščy ŭranu.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

BNTU: Vykładčyk, jaki ŭciakaŭ ad milicyi, pamior ad sardečnaha prystupu6

BNTU: Vykładčyk, jaki ŭciakaŭ ad milicyi, pamior ad sardečnaha prystupu

Usie naviny →
Usie naviny

Žurnalisty atrymali dostup da sakretnych płanaŭ rasijskich jadziernych vajskovych baz3

Tramp prapanavaŭ Kanadzie dostup da abarony pad «Załatym kupałam». Pry adnoj umovie5

Hrošy dla byłoha palitviaźnia Andreja Čapiuka sabrali mienš čym za paŭsutak

U Hiermanii admianiajuć niadaŭna ŭviedzienuju mahčymaść «ekspres-naturalizacyi»

«Muž byŭ suprać taho, kab Anžalika sustrakałasia ź dziećmi ź inšym mužčynam». Aŭtar rasśledavańnia pra Mielnikavu padzialiŭsia niekatorymi detalami6

Mierc paabiacaŭ dapamahčy Ukrainie z raspracoŭkaj ułasnaj dalnabojnaj zbroi1

«Vinny 500 rubloŭ». Biełarus vyrašyŭ zachoŭvać źbieražeńni ŭ jeŭra, ale trapiŭ u nievidavočnuju pastku1

Fatohraf-ahient Miščuk raskazaŭ svaju viersiju taho, što adbyłosia12

U Minsku zdajecca pasutačna kvatera, u jakoj niama dźviarej u prybiralniu. Z kanapy adkryvajecca vid i na televizar, i na ŭnitaz

bolš čytanych navin
bolš łajkanych navin

BNTU: Vykładčyk, jaki ŭciakaŭ ad milicyi, pamior ad sardečnaha prystupu6

BNTU: Vykładčyk, jaki ŭciakaŭ ad milicyi, pamior ad sardečnaha prystupu

Hałoŭnaje
Usie naviny →

Zaŭvaha:

 

 

 

 

Zakryć Paviedamić