Na Biełastoččynie aśviacili pomnik 20-hadovaj dziaŭčynie, jakaja zahinuła ŭ 1946 hodzie ad ruk žaŭnieraŭ Buraha i była abvieščanaja śviatoj
U 2020 hodzie śviaty Sabor jepiskapaŭ Polskaj aŭtakiefalnaj pravasłaŭnaj carkvy ŭpisaŭ Maryju Pietručuk u šerah śviatych mučanikaŭ Chołmskich i Padlašskich. Jana — śviataja pravasłaŭnaj carkvy.
U niadzielu na pravasłaŭnych mohiłkach u Malešach na Biełastoččynie prajšło aśviačeńnie pomnika śviatoj pakutnicy Padlašskaj ziamli Maryi Pietručuk, piša radyjo «Racyja».
Na mohiłkach u Malešach sabrałasia bolš za sto čałaviek, siarod udzielnikaŭ žałobnych uračystaściaŭ byŭ staršynia Biełaruskaha histaryčnaha tavarystva Aleh Łatyšonak.
Pomnik aśviaciŭ nastajaciel prychoda ajciec Mark Jakimiuk:
«Najmałodšym [z zabitych] byŭ chłopčyk, jon mieŭ niapoŭnyja čatyry hady, a tut Maryja, što addała nie svaju hodnaść, a svajo žyćcio. Budzie małaja śviatynia, katoruju nichto, napeŭna, nie abminie, kali pryjdzie na mohiłki. Chaču padziakavać usim siabram, što vielmi mnoha času pryśviacili adšukańniu, apisańniu ŭsich mučanikaŭ», — skazaŭ śviatar.
20-hadovaja Maryja Pietručuk zahinuła ad ruk žaŭnieraŭ Buraha 2 lutaha 1946 hoda, baroniačy svoj dziavočy honar. Jana ŭviedzienaja ŭ lik śviatych pakutnikaŭ Padlašskaj ziamli razam z usimi achviarami złačynstvaŭ, učynienych adździełam polskaha ŭzbrojenaha padpolla pad kamandavańniem Ramualda Rajsa (Buraha) u Zalašanach, Vulcy Vyhanoŭskaj, Puchałach Starych, Zaniach, Špakach i Kancaviźnie.
U 2020 hodzie śviaty Sabor jepiskapaŭ Polskaj aŭtakiefalnaj pravasłaŭnaj carkvy ŭpisaŭ Maryju Pietručuk u šerah śviatych mučanikaŭ Chołmskich i Padlašskich. Jana — śviataja pravasłaŭnaj carkvy.
Čamu Cichanoŭskaja nie pajechała na pachavańnie Papy?23
Kamientary