U Kazachstanie chočuć zabaranić tavary sa znakami «Z», «V» i PVK «Vahnier»
Jość fakty prodažu i rekłamy ŭ handlovych sietkach cacačnaj dziciačaj pradukcyi pad roznymi najmieńniami, u pryvatnaści, «Armija Rasii», «Vietlivyja ludzi», jakija vyklikali nieadnaznačnuju reakcyju ŭ hramadstvie, zaznačyŭ prakuror Kuat Bapinaŭ.
Dziaržorhany sumiesna z Hienprakuraturaj Kazachstana prapracoŭvajuć pravavyja padstavy dla zabarony realizacyi etnapalityzavanaj simvoliki ŭ krainie. Śpiecyjalisty papiaredzili, što z kazachstanskich pryłaŭkaŭ chočuć prybrać tavary z etnapalityzavanaj simvolikaj, piša nur.kz.
«Jak pakazvaje praktyka, asobnymi pradstaŭnikami roznych etnasaŭ u hramadskim poli demanstrujecca roznaja etničnaja simvolika, u tym liku źviazanaja z krainami ich histaryčnaha pachodžańnia i da taho padobnym. Tak, u 2022 hodzie ŭ suviazi z raspačatym rasijska-ŭkrainskim kanfliktam u Kazachstanie pačaścilisia fakty demanstracyi, u pryvatnaści, na vopratcy, cackach, transpartnych srodkach simvoliki «Z» abo «V», — zajaviŭ prakuror adździeła abarony hramadskich intaresaŭ prakuratury horada Siemiej Kuat Bapinaŭ.
Jon padkreśliŭ, što jość fakty prodažu i rekłamy ŭ handlovych sietkach cacačnaj dziciačaj pradukcyi pad roznymi najmieńniami, u pryvatnaści, «Armija Rasii», «Vietlivyja ludzi», jakija, pavodle jaho słoŭ, vyklikali nieadnaznačnuju reakcyju ŭ hramadstvie.
«U suviazi z hetym Hienprakuraturaj RK sioleta nakiravana prapanova va ŭrad RK ab zakanadaŭčaj zabaronie i administracyjnaj adkaznaści za vyrab, zachoŭvańnie, uvoz, pieravozku i raspaŭsiudžvańnie na terytoryju krainy atrybutyki, simvoliki, znakaŭ, jakija vykarystoŭvajucca supraćlehłymi bakami va ŭzbrojenych kanfliktach, u vajennych abo inšych hvałtoŭnych dziejańniach suprać suvierenitetu i palityčnaha režymu inšaj dziaržavy», — paviedamiŭ prakuror.
U suviazi z hetym da pryniaćcia adpaviednych papravak pradprymalnikam paraili vyklučyć z prodažu drukavana-błanačnuju, cacačnuju pradukcyju, suvieniry, a taksama inšyja tavary narodnaha spažyvańnia etnapalityzavanaj nakiravanaści.
Akramia taho, arendadaŭcam handlovych placovak parekamiendavali nie radziej razu na miesiac pravodzić vizualny ahlad pradukcyi.
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary