Rasijanie ŭdaryli pa hateli ŭ Zaparožžy. Adzin čałaviek zahinuŭ, dzieviać paranienyja
Rasijskija vajskoŭcy znoŭ, druhi raz za tydzień, udaryli pa Zaparožžy. Metaj staŭ cyvilny budynak. Viadoma ŭžo ab adnym zahinułym i dzieviaci paranienych.
«U vyniku rakietnaj ataki na Zaparožža zabity adzin čałaviek. Pa stanie na viečar 9 čałaviek paranienyja. Adzin ź ich — u ciažkim stanie», — napisaŭ u telehramie kiraŭnik Zaparožskaj AVA Juryj Małaška.
«Achviar mahło być bolš, kali b ludzi praihnaravali sihnał pavietranaj tryvohi», — dadaŭ Małaška.
Na abstreł u viačernim zvarocie adreahavaŭ prezident Uładzimir Zialenski, jon vykazaŭ svaje spačuvańni siamji zahinułaha ad ataki čałavieka.
Na videa, jakoje jon apublikavaŭ, vidać, jak kala hatela Reikartz u horadzie padymajecca čorny dym. Nieviadoma, ci žyli ŭ hateli ludzi i ci pracavaŭ jon naohuł.
Na fotazdymkach bačny budynak, jaki mocna paciarpieŭ ad abstrełu, na inšym fota taksama vidać vialikaja varonka.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary