Žančyna sprabavała vyvieźci ź Biełarusi ŭ Polšču 60 tysiač dalaraŭ, nie dekłarujučy ich. Hrošy kanfiskavali i vypisali joj štraf
Žančynu abvinavacili ŭ zamachu na niezakonnaje pieramiaščeńnie praz mytnuju miažu Jeŭrazijskaha ekanamičnaha sajuza (JEAES) najaŭnych hrašovych srodkaŭ u bujnym pamiery.
Žycharka Bresta sprabavała vyvieźci ŭ Polšču biez dekłaracyi 60 tysiač dalaraŭ. Ich kanfiskavali ŭ dachod dziaržavy, a vinavataj pryznačyli štraf 12 950 rubloŭ (350 bazavych vieličyń), piša Most.
Žančyna jechała ŭ Polšču na svaim aŭto. Jana raskazała, što na punkcie mytnaha afarmleńnia «Varšaŭski most» da jaje źviarnuŭsia znajomy mužčyna i paprasiŭ dapamahčy pieravieźci praź miažu hrošy. Jana pahadziłasia ŭziać sumu, ekvivalentnuju 60 tys. dalaraŭ, i raźmierkavała jaje paroŭnu pamiž pasažyrami aŭtamabila.
Žančynu abvinavacili ŭ zamachu na niezakonnaje pieramiaščeńnie praz mytnuju miažu Jeŭrazijskaha ekanamičnaha sajuza (JEAES) najaŭnych hrašovych srodkaŭ u bujnym pamiery.
Zhodna z Mytnym kodeksam JEAES, pry adnačasovym pieramiaščeńni praz mytnuju miažu JEAES sumy, jakaja pieravyšaje 10 tys. dalaraŭ u ekvivalencie, hrošy i darožnyja čeki padlahajuć abaviazkovamu piśmovamu dekłaravańniu.
A kali fizasoba adnačasova vyvozić abo ŭvozić sumu, jakaja pieravyšaje ŭ ekvivalencie 100 tys. dalaraŭ, da pasažyrskaj mytnaj dekłaracyi treba prykłaści dakumienty, jakija paćviardžajuć lehalnaje pachodžańnie hrošaj.
Kamientary
Ob́jaśnitie v čiom fiška provoza niezadiekłarirovanoj valuty.