U Zelvie sudziać miascovaha pradprymalnika za paklop i abrazu Łukašenki
U budynku suda Zelvienskaha rajona 28 žniŭnia pačynajecca kryminalny praces u dačynieńni da Viktara Łamieki. Jaho vinavaciać pa dvuch artykułach Kryminalnaha kodeksa: č. 2 art. 367 (paklop u dačynieńni da Łukašenki) i č. 2 art. 368 (abraza Łukašenki), piša «Viasna».
Pradprymalnik z Zelvy, palitźniavoleny Viktar Łamieka byŭ žorstka zatrymany 29 sakavika i źbity pry zatrymańni. Spačatku na jaho skłali pratakoł pa administracyjnym artykule 19.11 KaAP Biełarusi (raspaŭsiud ekstremisckich materyjałaŭ).
Nie daŭšy Łamieku navat pakinuć budynak suda, siłaviki znoŭ zatrymali jaho i znoŭ skłali pratakoł pa art. 19.11. Kali mužčyna znachodziŭsia ŭ śledčym izalatary, na jaho skłali treci pratakoł.
Paźniej stała viadoma, što Łamieka znachodzicca ŭ SIZA, jamu vystaŭlena abvinavačańnie ŭžo pa kryminalnych artykułach. Pakul mužčyna byŭ u SIZA, u jaho pamierła maci, piša «Haradzienskaja viasna».
Jaho ŭtrymlivajuć u SIZA horada Baranavičy.
Viktar Łamieka viadomy tym, što raniej sudziŭsia z padatkovaj i baraniŭ pradprymalnikaŭ z Haradzienščyny ŭ sudach roznaj instancyi.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami2
Kamientary