U Litvie paprasili prezidenta nie vyhaniać z krainy biełaruskich dalnabojnikaŭ
Sihitas Žylus, hienieralny sakratar Sajuza pieravozčykaŭ Litvy (LVS), źviarnuŭsia da prezidenta krainy Hitanasa Naŭsieda z prośbaj nie vyhaniać biełaruskich dalnabojnikaŭ ź Litvy. Zajava vyklikanaja tym, što siońnia ŭ Litvie možna pačuć zakliki abmiežavać biełarusam mahčymaści dla pracy i handlu, jakija, na dumku LVS, «źjaŭlajucca biezadkaznymi i pakazvajuć niedachop kampietentnaści, a taksama źjaŭlajucca žadańniem atrymać «tanny palityčny kapitał».
U zajavie havorycca, što ŭ litoŭskich transpartnych kampanijach na praciahu mnohich hadoŭ pracujuć kala 40 000 biełaruskich kiroŭcaŭ. I, na dumku kiraŭnika LVS, jany nie ŭjaŭlajuć anijakich palityčnych abo vajennych pahroz dla Litvy.
«Polšča, Hiermanija, Italija, Francyja i inšyja krainy radyja najmać śpiecyjalistaŭ, nie robiačy nijakich abmiežavańniaŭ nie tolki dla biełarusaŭ, ale i dla rasijan. Jany nie ŭvodziać abmiežavańniaŭ na ŭjezd klijentaŭ z hrašyma.
Navat rasijanam vydajucca šmathadovyja vizy. Kvitnieje handal. Nie nakładajucca praźmiernyja abmiežavańni na handal i pasłuhi zvyš tych, jakija pryniatyja instytutami ES», — skazaŭ Žylus.
Pavodle jaho słoŭ, nacyjanalnyja mytnyja asablivaści, maŭlaŭ, rujnujuć transpartny i składski siektar. Tranzitnyja płyni tavaraŭ iduć u abychod Litvy na karyść Turcyi, Hruzii i Łatvii.
«Moža być, nastaŭ čas acanić, jakuju škodu nanosiać Litvie prapanavanyja palitykami kvoty na prafiesii, jakija znachodziacca ŭ śpisie deficytu? Čytajcie dalej — abmiežavalnyja kvoty dla deficytnych prafiesij!..
Ja liču, što ŭ orhanaŭ dziaržaŭnaj biaśpieki dastatkova sił i prafiesijanalizmu, kab jakasna vykonvać svaju pracu. Tamu, palityki, rabicie toje, u čym vy raźbirajeciesia. Chopić ustaŭlać pałki ŭ koły», — zaklikaje kiraŭnik Sajuza pieravozčykaŭ Litvy.
Naŭsieda zaklikaŭ nie pieratvarać zakryćcio pamiežnych pierachodaŭ ź Biełaruśsiu ŭ sport
Premjerka Litvy paabiacała nie zakryvać dvuch novych pierachodaŭ na miažy ź Biełaruśsiu
My nastojvajem na tym, kab pasažyrski ruch pamiž našymi krainami nie spyniaŭsia tak doŭha, nakolki heta mahčyma — Franak Viačorka
Litva nazvała jašče pierachody, jakija mohuć zakryć, i dva krytery, pa jakich całkam zakryjuć miažu ES ź Biełaruśsiu
Ciapier čytajuć
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»13
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ3535
Kamientary