Militaryzacyja: pad Barysavam adkryli druhoje ŭ Minskaj vobłaści kadeckaje vučylišča
1 vieraśnia było ŭračysta adkrytaje Barysaŭskaje kadeckaje vučylišča. U cyrymonii adkryćcia ŭziali ŭdzieł dziaržaŭny sakratar Rady biaśpieki Alaksandr Valfovič, staršynia Minskaha abvykankama Alaksandr Turčyn i ministr abarony Viktar Chrenin.
«Barysaŭskaje kadeckaje vučylišča Minskaj vobłaści» stvorana na bazie Starabarysaŭskaj sanatornaj škoły-internata. Heta ŭžo druhaja ŭstanova takoha typu ŭ vobłaści paśla Minskaha abłasnoha kadeckaha vučylišča, jakoje znachodzicca ŭ Słucku.
Novaje vučylišča raźmiaściłasia ŭ ahraharadku Starabarysaŭ Barysaŭskaha rajona pa vulicy Astroŭskaha, 1. Akramia školnych pradmietaŭ, u vučebnaj prahramie — asnovy dapryzyŭnaj i strajavoj padrychtoŭki, praktyčnyja zaniatki ŭ voinskich čaściach.
Uračystaje adkryćcio adbyłosia pačałosia z vynasu aficyjnaha ściaha Biełarusi na placoŭku kala centralnaha ŭvachodu ŭ budynak vučylišča i vykanańnia himna. Pra cyrymoniju raspaviadaje vydańnie «Minskaja praŭda».
Pavodle słoŭ Alaksandra Turčyna, ideja adkryć vučylišča mienavita ŭ Barysavie źjaviłasia ŭžo daŭno.
«Barysaŭ prosta vielmi ciesna źviazany z Uzbrojenymi Siłami našaj krainy. Tamu dzie jak nie ŭ Barysavie musić być kadeckaje vučylišča.
Niekalki miesiacaŭ tamu, pry naviedvańni hetaha abjekta, było pryniata rašeńnie tut adkryć vučylišča. I litaralna na praciahu dvuch miesiacaŭ byli zavieršany budaŭničyja raboty» — raspavioŭ padrabiaznaści Alaksandr Turčyn.
Va ŭstanovie adukacyi siońnia šeść rekanstrujavanych karpusoŭ: lačebna-adnaŭlenčy błok, dva błoki spalnych pamiaškańniaŭ na 200 miescaŭ, vučebna-administracyjny korpus, charčabłok na 120 miescaŭ. Majecca spartyŭnaja baza: basiejn, stadyjon, valejbolnyja i baskietbolnyja placoŭki, zała lačebnaj fizkultury, spartyŭnaja zała. Zała lačebnaj fizkultury abstalavany spartyŭnymi trenažorami.
Usiaho ŭ vučyliščy sioleta zaličana 140 kadetaŭ, 108 chłopčykaŭ i 32 dziaŭčynki. U 2024 hodzie kolkaść miescaŭ dla navučańnia płanujuć pavialičyć.
Šefami Barysaŭskaha kadeckaha vučylišča stanuć voinskija čaści i padraździaleńni 72 Abjadnanaha navučalnaha centra.
«Vajskovaja adukacyja nabiraje papularnaść». U Minsku mohuć adkryć jašče adno kadeckaje vučylišča
Valfovič zajaviŭ, što Rasija zmahajecca nie z ukrainskim narodam, a z nacyzmam, jaki ŭzdymaje hałavu
«Nielha spravicca z nacyzmam biez baraćby ź libieralizmam». Siły, jakija vydajuć siabie za «antyfašystaŭ», praviali kanhres u Minsku
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary