Rabočyja paškodzili Vialikuju Kitajskuju ścianu. Jany chacieli skaracić darohu
Dvoje rabočych, jakim nadakučyła chadzić u abchod na svoj budaŭničy ŭčastak, z dapamohaj ekskavatara pahłybili i pašyryli častku ściany, što prasieła, davioŭšy jaje da ŭzroŭniu ziamli.
Budaŭniki surjozna paškodzili častku Vialikaj Kitajskaj ściany ŭ centralnaj pravincyi Šańsi, piša Bi-bi-si.
Pa danych palicyi, dvoje rabočych, jakim nadakučyła chadzić u abchod na svoj budaŭničy ŭčastak, z dapamohaj ekskavatara pahłybili i pašyryli častku ściany, što prasieła, davioŭšy jaje da ŭzroŭniu ziamli. Atrymanaja takim čynam daroha prykmietna skaraciła šlach da ŭčastka budoŭli «32-ja Vialikaja ściana», na jakim jany pracavali, — praź jaje moh prajechać ich ekskavatar.
Pra paškodžańnie stała viadoma 24 žniŭnia paśla atrymańnia paviedamleńnia ab tym, što ŭ ścianie ŭtvaryŭsia vielizarny prałom.
Aboje padazravanyja — 38-hadovy mužčyna i 55-hadovaja žančyna — zatrymanyja, praciahvajecca rasśledavańnie.
U paviedamleńni kitajskich uładaŭ padkreślivajecca, što rabočyja nanieśli «niepapraŭnuju škodu cełasnaści Vialikaj ściany epochi Min i zachavanaści kulturnych relikvij».
Raźmieščanaja ŭ paviecie Jujiu «32-ja Vialikaja ściana» — heta ŭčastak Vialikaj ściany Min. Jana adnosicca da katehoryi historyka-kulturnych abjektaŭ, jakija achoŭvajucca na pravincyjnym uzroŭni.
Vialikaja ściana, jakaja stała ŭ 1987 hodzie abjektam Suśvietnaj spadčyny JUNIESKA, budavałasia i pierabudoŭvałasia bieśpierapynna z 220 hoda da n. e. da epochi praŭleńnia dynastyi Min u 1600-ja hady. U toj čas jana była najbujniejšym u śviecie vajskovym zbudavańniem.
Častka ściany, jakaja zachavałasia, u asnoŭnym była pabudavanaja ŭ pieryjad praŭleńnia dynastyi Min, jana i nazyvajecca Vialikaj ścianoj Min.
Na praciahu mnohich hadoŭ niekatoryja ŭčastki ściany byli paškodžanyja abo razburanyja, asabliva ŭ addalenych sielskich rajonach.
U 2016 hodzie hazieta Beijing Times paviedamiła, što bolš za 30% Vialikaj ściany dynastyi Min całkam razburana, i tolki 8% jaje ličycca dobra zachavanaj.
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary