U Breście druhi raz sudzili eks-palitviaźnia. Ale praces achutany tajamnicami
U čym dakładna jaho abvinavačvali — nieviadoma, sud ad samaha pačatku zrabili zakrytym, piša «Bresckaja viasna».
Bieraściejec Vital Zaradziej u peŭny momant ličyŭsia samym pažyłym palityčnym źniavolenym u krainie.
Za skarhi, jakija jon nakiroŭvaŭ u sud (i dzie znajšli «abrazy sudździaŭ», «abrazy Łukašenki»), piensijanieru tady prysudzili dva hady kałonii. Jon całkam adsiadzieŭ termin dy ŭ śniežni 2022 vyjšaŭ na volu.
Ale 5 i 6 vieraśnia sud Bresckaha rajona razhladaŭ novuju kryminalnuju spravu suprać Vitala Zaradzieja.
Dzie i ŭ jakim stanie znachodzicca Zaradziej — dakładna nieviadoma. U sudovuju zału jon na pačatku suda nie zachodziŭ.
Taksama dakładna nieviadoma, što Zaradzieju stavili ŭ vinu hetym razam, bo ad samaha pačatku sudździa Suchadolskaja zakryła praces. Ale ŭ sudovym raskładzie byli paznačany artykuły, jakija zakidali Zaradzieju: art. 391 (abraza sudździ), č. 2 art. 368 (abraza Łukašenki), č. 1 art. 377 (paškodžańnie dakumientaŭ).
Kamientary