Na Kamaroŭcy zaŭvažyli mamordziku. Što heta takoje i kolki kaštuje?
Siońnia čytačy vydańnia «Anłajnier» na Kamaroŭcy natknulisia na niezvyčajnuju ci to harodninu, ci to sadavinu. Chutčej, heta dva ŭ adnym. Nazyvajecca hetaje dziva mamordzikaj, a ŭ narodzie — horkaj dyniaj.
Mamordzika vielmi raspaŭsiudžanaja ŭ azijackaj kuchni. Jaje smažać, tušać, dadajuć u supy i sałaty. U nas horkuju dyniu čaściej za ŭsio biaruć kitajcy. Biełarusy ž dadajuć jaje ŭ smuzi, bo harodnina bahataja na roznyja vitaminy.
Darečy, u niaśpiełym vyhladzie mamordzika ličycca harodninaj i ŭžyvajecca syroj. A jak tolki paśpieje — robicca sadavinoj.
U śpiełym vyhladzie horkaja dynia raskryvajecca i robicca jarka-aranžavaj, usiaredzinie źjaŭlajucca čyrvonyja jahady, ź jakich možna rabić vareńnie. Sami jahady smakam nahadvajuć churmu.
U niaśpiełym vyhladzie mamordzika jak ahurok z notkaj harčynki.
Kali mamordziku pamacać, to jana vielmi dalikatnaja, z pryjemnymi pupyryškami.
Što ž tyčycca cany, to za adnu standartnuju štuku pradaviec biare ad 12 da 15 rubloŭ, a maleńkaja mamordzika kaštuje 5-7 rubloŭ.
Čytajcie taksama:
Niezvyčajny kabačok vyras u Baranavičach
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie1
Kamientary
što značyć Leta skončyłasia? a babje?
i eta
čakajem na vystuplenija Žira )