«Ahitavaŭ vychodzić na barykady». U zakrytym sudzie vyniesieny prysud žycharu Viciebska Dźmitryju Zahałaŭcu
U zakrytym pasiadžeńni Viciebski abłasny sud 31 žniŭnia vynies prysud 40-hadovamu palitźniavolenamu Dźmitryju Zahałaŭcu, piša «Viasna».
Kryminalnaja sprava na Zahałaŭca spačatku była zaviedzienaja pa čatyroch artykułach: art. 368 (abraza Łukašenki), art. 369 (abraza pradstaŭnika ŭłady), art. 130 (raspalvańnie rasavaj, nacyjanalnaj, relihijnaj ci inšaj sacyjalnaj varožaści ci varažniečy), art. 361-4 (sadziejničańnie ekstremisckaj dziejnaści) Kryminalnaha kodeksa.
Ale ŭ vyniku jaho abvinavacili ŭ abrazie Alaksandra Łukašenki (č. 1 art. 368 KK), abrazie pradstaŭnika ŭłady (art. 369), sadziejničańni ekstremisckaj dziejnaści (č.1 art.361-1 KK) i finansavańni dziejnaści ekstremisckaha farmavańnia (art. 361-2 KK).
Praces vioŭ sudździa Alaksandr Abašyn.
Dźmitryj Zahałaviec byŭ zatrymany siłavikami 20 studzienia 2023 hoda, na jaho skłali pratakoł administracyjnaha pravaparušeńnia pavodle art.19.11 KaAP (vyrab, raspaŭsiud albo zachavańnie ekstremisckich materyjałaŭ). Paśla aryštu ŭtrymlivaŭsia ŭ SIZA №2 Viciebska.
Pavodle praŭładnych telehram-kanałaŭ, mužčyna ŭ internecie nibyta «ahitavaŭ ludziej vychodzić na barykady, puskać ciahniki pad adchony, i ładzić fizičnyja raspravy nad siłavikami».
Sud pastanaviŭ pakarać Zahałaŭca pazbaŭleńniem voli ŭ kałonii va ŭmovach ahulnaha režymu terminam na try hady i šeść miesiacaŭ.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary