U Minharvykankamie raskazali, kali adnović dziejnaść Čyrvony kaścioł
Padčas pryjomu hramadzian namieśnik staršyni Minharvykankama Arciom Curan zakranuŭ pytańnie minskaha Čyrvonaha kaścioła, jaki staić začynieny ŭžo bolš za hod. Pavodle čynoŭnika, rekanstrukcyja chrama viadziecca pavodle płanu, raboty ŭ im, maŭlaŭ, nie spynialisia ni na adzin dzień.
«Padrychtavanaja prajektnaja dakumientacyja, i ŭ pieršym kvartale 2024 hoda pavinny pačacca raboty ŭ budynku. Paśla ich zaviaršeńnia budzie pryniata rašeńnie ab adnaŭleńni dziejnaści kaścioła», — cytuje Arcioma Curana ahienctva «Minsk-Naviny».
Dostup u chram ułady zakryli paśla taho, jak 25 vieraśnia 2022 hoda ŭ kaściole śviatoha Symona i śviatoj Aleny nibyta zdaryŭsia pažar. Haradskija ŭłady paśla hetaha pryniali rašeńnie zabaranić usie mierapryjemstvy ŭ Čyrvonym kaściole, pakul tam nie buduć likvidavanyja ŭsie niedachopy. Paśla taho ŭžo bolš za hod kaścioł nie mohuć naviedvać vierniki i turysty, bo, z punkta hledžańnia ŭładaŭ, usie nieabchodnyja z punkta hledžańnia haradskich uładaŭ raboty jašče nie praviedzienyja.
U toj ža čas i vierniki parafii, i hramadskaść sumniavajucca, što pryčyny zakryćcia dostupu da kaścioła — čysta techničnyja i ličać, što tut ź vialikaj vierahodnaściu moža ŭździejničać palityčny faktar.
Ciapier čytajuć
Šasnaccać hradusaŭ. Rasijski karespandent paskardziŭsia, što źmierz u łukašenkaŭskim pałacy4
Šasnaccać hradusaŭ. Rasijski karespandent paskardziŭsia, što źmierz u łukašenkaŭskim pałacy
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3636
Kamientary