«Jana vyhladaje kiepska i kaža, što moža nie daciahnuć da vyzvaleńnia». Rodnyja zmahli sustrecca z Palinaj Šarendaj-Panasiuk
Padčas spatkańnia Palina skazała, što administracyja homielskaha SIZA nie dazvoliła joj pasłać da maci list sa śpisam lekaŭ, dazvolenych doktaram.
«Takaja papiera vydajecca, śpis lekaŭ, jakija dazvolena pieradać. Jana niekalki razoŭ sprabavała dasłać hety śpis, ale list nie prapuskali. I niekalki tydniaŭ tamu Palina sama pasprabavała śpis dla dazvołu dasłać maci listom. I zrabili tak, što pry joj hety list prosta parezali, nibyta tam była infarmacyja, jakuju niedazvolena było pieradavać.
Jak skazali rodnyja, Palina vyhladaje kiepska. U jaje vialikija prablemy sa zdaroŭjem. Jany spravakavanyja biesčałaviečnymi ŭmovami miescaŭ jaje źniavoleńnia, asabliva ŭ rečyckim IČU i rečyckaj kałonii, dzie na jaje ŭvieś čas cisnuć, źnievažajučy jaje čałaviečuju hodnaść. Palina pieraścierahajecca, što moža nie daciahnuć da vyzvaleńnia, tamu prosić demakratyčnych lidaraŭ, mižnarodnuju hramadskaść zrabić usio mahčymaje dla jaje vyzvaleńnia»,
— raskazaŭ radyjo «Racyja» apošnija źviestki pra žonku jaje muž Andrej Šarenda.
Bresckuju aktyvistku Palinu Šarendu-Panasiuk zatrymali 3 studzienia 2021 hoda i asudzili na dva z pałovaj hady kałonii. Ale letam 2022 hoda na volu jana nie vyjšła. Spačatku joj dali hod pa artykule 411 (złosnaje niepadparadkavańnie patrabavańniam administracyi kałonii). Sioleta žančynu znoŭ nie vyzvalili, a dali jašče hod pa tym ža artykule.
«Jana mocna schudnieła». Palinie Šarendzie-Panasiuk znoŭ prynieśli miech ź jabłykami, kab niemahčyma było pryniać praduktovuju pieradaču
«Zmahacca, nie pakładać ruk». Palina Šarenda-Panasiuk skarystała apošniaje słova, kab źviarnucca da ludziej
Palina Šarenda-Panasiuk na sudzie zajaviła pra źbivańni i cisk u kałonii
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku22
Kamientary