CHAMAS manić? Pradstaŭnik Izraila pastaviŭ pad sumnieŭ kolkaść zahinułych u Hazie
Pradstaŭnik izrailskaha ŭrada zajaviŭ, što sumniavajecca ŭ dakładnaści ličbaŭ zahinułych, jakija ahučyli paleścinskija ŭłady ŭ siektary Haza, i abvinavaciŭ CHAMAS u ich zavyšeńni.
U intervju kanału «Al-Arabija» aficyjny pradstaŭnik premjer-ministra Izraila dla arabskich miedyja Afir Hiendelman (Ofir Gendelman) paraiŭ arabskim i zachodnim ŚMI nie vieryć ličbam, jakija ahučvajuć bajeviki, što kantralujuć siektar Haza.
Paviedamlajecca, što padčas žyvoha efiru z Hiendelmanam «Al-Arabija» atrymała infarmacyju ab tym, što Ministerstva achovy zdaroŭja Hazy paviedamiła imiony i identyfikacyjnyja numary zvyš siami tysiač achviar, što zahinuli z toj pary, jak Izrail pačaŭ bambardziroŭku siektara Haza.
Watch: In an interview with Al Arabiya, #Israeli government spokesperson Ofir Gendelman questions the accuracy of the death toll provided by Palestinian authorities in the #Gaza Strip and accuses #Hamas of inflating the numbers.
Read more: https://t.co/GyfZYBCQqF pic.twitter.com/kfwcsdpHkU
U adkaz Hiendelman zapatrabavaŭ dokazy i zajaviŭ: «Heta śpis imionaŭ i identyfikacyjnych numaroŭ, ale dzie trupy? Dzie dokazy? My možam dać vam 10 tysiač imionaŭ i 100 tysiač imionaŭ, ale heta nie dakazvaje, što jany byli zabityja…. CHAMAS iłže. Jon fabrykuje fakty, kab padtrymać svaje historyi».
Sama ž paleścinskaja administracyja, pa słovach aficyjnaha pradstaŭnika premjer-ministra Izraila, «nie karystajecca davieram», a «CHAMAS zavyšaje ličby i śćviardžaje, što ŭsie, chto zahinuŭ, mirnyja žychary».
«Kolki terarystaŭ było zabita? CHAMAS pryznaŭ, što niechta ź jaho terarystaŭ byŭ zabity? Nie. Tamu što tak sprabujuć pakazać usich achviar jak niavinnych cyvilnych asob», — cytuje «Al-Arabija» słovy Hiendelmana.
«Adkul hetyja źviestki? Ad Ministerstva achovy zdaroŭja <…> jakoje vykonvaje zahady Ministerstva infarmacyi CHAMAS, i pres-sakratara terarystaŭ, jakija naležać da CHAMAS. Niezaležnych danych niama», — zajaviŭ Hiendelman.
Na pytańnie, ci ličyć jon dakładnymi danyja ab zahinułych, apublikavanyja mižnarodnymi arhanizacyjami abo Arhanizacyjaj Abjadnanych Nacyj, Afir Hiendelman skazaŭ, što ŭsie padparadkoŭvalisia zahadam CHAMAS.
«Jany bajacca CHAMAS. U šerahu vypadkaŭ pradstaŭnictvy mižnarodnych arhanizacyj składajucca z paleścincaŭ, jakija naležać da CHAMAS».
Pavodle słoŭ Hiendelmana, mienavita CHAMAS, a nie Izrail pavinien paprasić prabačeńnia za hibiel paleścincaŭ.
Jak adznačaje «Al-Arabija», kamientary Hiendelmana prahučali praź dzień paśla taho, jak prezident ZŠA Džo Bajden zajaviŭ, što «nie ŭpeŭnieny ŭ ličbach, jakija vykarystoŭvajuć paleścincy» dla vyznačeńnia kolkaści zahinułych u siektary Haza, jaki znachodzicca pad kantrolem CHAMAS».
Watch: US President Joe #Biden says he has “no confidence in the number that #Palestinians are using” for the death toll in the #Gaza Strip.
— Al Arabiya English (@AlArabiya_Eng) October 26, 2023
Read more: https://t.co/mvuhLzakaZ pic.twitter.com/vxBadxgFWTČytajcie jašče:
CHAMAS paviedamiŭ pra śmierć 50 zakładnikaŭ
Bajden: Paleścina i Izrail pavinny isnavać mirna ŭ jakaści dźviuch niezaležnych krain
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary